जोमसोम । भेटेरीनरी अस्पताल तथा पशु सेवा बिज्ञ केन्द्र मुस्ताङको आयोजनामा शनिबार एक कार्यक्रमका बिच विश्व भेटेरीनरी दिवस मनाइएको छ ।
भेटेरीनरी दिवसको अवसरमा घरपझोङ गाउँपालिका–३ स्याङमा ब्यवसायिक गाइपालन गरेर दूध उत्पादन गर्दै आएका ४० जना कृषकहरुलाई सामग्री र घाँसको बिउ बितरण गरिएको केन्द्रका पशु चिकित्सक जिबनप्रसाद आचार्यले बताउनुभयो ।
भेटेरिनरी अस्पताल तथा पशु सेवा विज्ञ केन्द्रले मिनिरल मिक्सर र क्याल्सीयम तथा पशु आहरा स्रोत ब्यवस्थापन तथा पशु उत्पादन गुणस्तर प्रयोगशाला काठमाडौले बहुबर्षे फुर्सा जातको घाँसको बिउ बितरण गरेको थियो ।
घरपझोङ गाउँपालिकाका अध्यक्ष आशबहादुर थकालीको प्रमुख आतिथ्यता, वडा न.३ का वडा अध्यक्ष महेन्द्रबहादुर थकाली, पशु आहरा स्रोत ब्यवस्थापन तथा पशु उत्पादन गुणस्तर प्रयोगशालाका पशु चिकित्सक सिता भट्टराई र पशु बिकास अधिकृत रनशजंग कुँवर लगायतको उपस्थिति थियो । यस वर्षको भेटेरिनरी दिवसको नारा “भेटेरियन रेस्पोन्स टु दि कोभिड–१९ क्राइसिस” भन्ने रहेको छ ।
