बेनी । म्याग्दीका नहकुल सुवेदी सोमबार सर्वोच्च अदालतको न्यायाधीशमा नियुक्त हुनुभएको छ ।
रघुगंगा गाउँपालिका–२ भगवती घर भई कानुनको क्षेत्रमा क्रियाशिल रहनुभएका सुवेदीलाई राष्ट्रपति विद्यादेवी भण्डारीले सर्वोच्चको न्यायाधीशमा नियुक्त गर्नुभएको हो । सुवेदी संगै कुमार चुडाल पनि सर्वोच्चको न्यायाधीशमा नियुक्त हुनुभएको छ ।
सुवेदी र चुडाल दुबै जना उच्च अदालतका मुख्य न्यायाधीश हुनुहुन्थ्यो । २०७७ फागुन २८ गतेको न्यायपरिषद बैठकले चुडाल र सुवेदीलाई सर्वोच्च अदालतको न्यायाधीशमा नियुक्ति गर्न सिफारिस गरेको थियो ।
गत शुक्रबार संसदीय सुनुवाइ समितिको बैठकले चुडाल र सुवेदीको नाम नियुक्तिका लागि अनुमोदन गरेको थियो । कानुनको क्षेत्रमा क्रियाशिल रहनुभएका सुवेदी यस अघि सर्वोच्च अदालतको मुख्य रजिष्ट्रार, सह–रजिष्ट्रार, न्यायपरिषदको सचिव लगायतका पदमा रहेर काम गरिसक्नुभएको छ ।
