बेनी, । अम्बिका श्रेष्ठको नेतृत्वमा महिला उद्यम विकास समिति म्याग्दीको कार्यसमिति पुर्नगठन भएको छ ।
म्याग्दी उद्योग वाणिज्य संघको सभाहलमा आइतबार सम्पन्न भएको समितिको १० औँ वार्षिक साधारणसभा तथा ७ औँ अधिवेशनबाट श्रेष्ठ सर्वसम्मत रुपमा सभापतिमा चयन हुनुभएको हो ।
समितिको वरिष्ठ उपाध्यक्षमा विष्णु गुरुङ, प्रथम उपाध्यक्षमा श्रृजना भट्टचन, द्वित्तिय उपाध्यक्षमा दिलु घताने, महासचिवमा प्रमिला जोशी श्रेष्ठ, कोषाध्यक्षमा गीता शर्मा रिजाल, सचिवमा कमला सुवेदी, सहसचिवमा गोमा भट्टराई शर्मा र सहकोषाध्यक्षमा राधिका सापकोटा चयन हुनुभएको निर्वाचन अधिकृतको रुपमा रहनुभएका म्याग्दी उद्योग वाणिज्य संघका वरिष्ठ उपाध्यक्ष सुविन श्रेष्ठले जानकारी दिनुभयो ।
त्यस्तै कार्य समितिका सदस्यहरुमा चमन श्रेष्ठ, गंगा कुमारी खत्री, संगीता श्रेष्ठ, तेजकुमारी महत, धनदेवी भण्डारी, संगीता श्रेष्ठ, रेणु मल्ल शाही, अस्मिता श्रेष्ठ, गंगा थापा कार्की, सरिता श्रेष्ठ, रञ्जिता वराईली रहनुभएको छ । समितिको आमन्त्रित सदस्यहरुमा गीता चापागाई, टिका आचार्य, शारिका थापा मगर, अम्विका ढुङ्गाना, मिना कुमारी मल्ल र अश्मि महत रहनुभएको छ ।
नवनिर्वाचत सभापति श्रेष्ठले महिला दिदीवहिनीहरुलाई एकत्रित गरि उनिहरुको क्षमता अभिवृद्धि तथा उत्पादन र उद्यमशिल बन्न प्रेरित गर्ने कार्यक्रम योजनाबद्ध ढंगले संचालन गर्ने प्रतिवद्धता जनाउनुभएको छ । साथै उहाँले नयाँ कार्य समितिले आउदै गरेको माघेसंक्रान्ति पर्वको अवसरमा बेनीमा ३ दिने माघेसंक्रान्ति मेलाको आयोजना गर्ने समेत बताउनुभयो ।
अधिवेशनको उद्घाटन बेनी नगरपालिकाका उपप्रमुख ज्योती लामिछानेले गर्नुभएको थियो । महिलालाई आर्थिक रुपमा सक्षम बनाउन सकेमा मात्र समानता कायम हुने र हिंसा न्युनीकरणमा सहयोग पुग्ने बताउनुभयो । महिलालाई सिपको विकास र आयआर्जनमा जोड्ने उद्देश्यले आमा समूहसँग उपमेयर कार्यक्रम सञ्चालन गरेको बताउनुभयो ।
म्याग्दी उद्योग वाणिज्य संघका अध्यक्ष बेलबहादुर कटुवाल लगायतले शुभकामना मन्तब्य व्यक्त गर्नुभएको थियो ।
