बेनी, । म्याग्दीको मंगला गाउँपालिका –३, बरंजाको घाम्ताङमा एक वटा घर पुरिएको छ ।
दुईदिनदेखि लगातार बर्षा संगै मंगलबार बेलुकी ९ बजेतिरको समयमा घरमाथिबाट खसेको पहिरोले स्थानीय शेर बहादुर दर्जिको घरगोठ पूर्णरुपमा क्षति पु¥याएको हो । स्थानीय दर्पण रोकाका अनुसार पहिरोले गोठमा रहेका पशुचौपाया समेत पुरिएका छन ।
पहिरोमा परेर गोठमा रहेका भैसि, गोरु, पाडो, बाख्रा लगायतका चौपाय मरेका छन । पहिरो खस्न थालेपछि दर्जि सहित परिवार घरबाट निस्किएर सुरक्षित ठाउँमा गएकाले मानवीय क्षति भएको छैन ।
घर पहिरोले पुरिएपछि दर्जीको परिवारलाई तत्कालका लागि खाद्यान्न तथा लत्ताकपडाको व्यवस्था गरि भैरमथान स्थित आमा समुहको भवनमा अस्थायी बसोबासको व्यवस्था गरिएको वडा मंगला गाउँपालिका ३ बरंजाका वडा अध्यक्ष याम रोकाले बताउनुभयो ।
घर पुरिदा दर्जिको ७ जनाको परिवार विस्थापित भएका छन् । आर्थिक अवस्था कमजोर भएको र खाद्यान्न तथा लत्ताकपडा सवै पुरिएकाले तत्कालै राहतका लागि अध्यक्ष रोकाले रु. तीन हजार सहयोग प्रदान गरेको बताउनुभयो ।
छिमेकीहरुलाई पनि लत्ताकपडा तथा खाद्यान्न सहयोग गर्न आव्हान गरेको अध्यक्ष रोकाले बताउनुभयो । गाउँपालिकाको विपत व्यवस्थापन कोषबाट राहत सहयोगका लागि गाउँपालिका अध्यक्ष सत प्रसाद रोकालाई घटनाको बारेमा जानकारी गराएको वडा अध्यक्ष रोकाको भन्नुभयो ।
