![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
दरवाङ । मालिका गाउँपालिकाको केन्द्र दरवाङमा शुक्रबार बालविकास शिक्षकहरुका लागि पुर्नताजगी तालिम सम्पन्न भएको छ ।
मालिका गाउँपालिका र गुड नेवर्स इन्टरनेशनल नेपालको आर्थिक तथा प्राविधिक सहयोगमा एकीकृत सामुदायिक विकास परियोजना संचालन गर्ने संगम म्याग्दिको संयुक्त आयोजनामा भएको तालिम तीन दिन सम्म सञ्चालन भएको थियो ।
४० जना बाल विकास सहजकर्ताको लागि बाल विकास सामाग्री निर्माण तथा प्रयोगका विषयमा व्यवहारिक र सैद्धान्तिक ज्ञान सिप प्रदान गरिएको थियो । असार १९ देखि २४ गतेसम्म दुई वटा समूहमा २०÷२० जनाको सहभागिता थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
![](https://dhaulagirikhabar.com/wp-content/uploads/2022/07/Malika-balbikash-talim-1-1024x768.jpg)
तालिमको सेतो गुंरास बाल विकास सेवा वाग्लुङको सहजकर्ता पम्फा खड्काले सहजीकरण गर्नुभएको थियो । मालिका गाउँपालिका अध्यक्ष बेग प्रसाद गर्बुजा, शिक्षा अधिकृत अशोक रिजाल, संगम म्याग्दीका शिक्षा तथा संरक्षण अधिकृत चन्द्रप्रकाश बुढा मगर र मालिका गाउँपालिका शिक्षा स्वयंसेवक नबिना पुन लगाएतको उपस्थितिमा तालिम समापन गरिएको थियो ।
समापन समारोहमा बोल्दै पालिका अध्यक्ष गर्बुजाले वालविकास कक्षा व्यबस्थित गर्नको लागि पालिकाले सक्दो सहयोग गर्ने बताउनुभयो । शिक्षा अधिकृत रिजालले बाल विकास कक्षामा शिक्षण सिकाई गर्नु एकदमै कठिन कार्य भएता पनि यो किसिमका तालिमले कक्षा सहजीकरण गर्नमा सहयोग मिल्ने बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)