![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । पर्वतको जलजला गाउँपालिकाको २ र ३ नम्बर वडामा पर्ने बगरफाँटमा १४ दिनपछि खानेपानी आपुर्ति भएको छ ।
भदौ १४ गते जलजला गाउँपालिका–३ स्थित माटेपानीको पहिरोले बगरफाँटतर्फ खानेपानी आपुर्ति गर्ने पर्बत बेनी खानेपानी आयोजनाको करिब एक सय मिटर पाइप क्षति गरेको थियो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
पाईप पुरिएपछि जलजला गाउँपालिका २ र ३ नम्बर वडामा पर्ने २५७ घरधुरीमा खानेपानी आपुर्ति बन्द भएको थियो । सो पहिरो कालीगण्डकीमा खस्दा छाल आउँदा बेनी नगरपालिका–८ कालीपुलका ८ वटा घरमा क्षति पुगेको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
पर्बत बेनी खानेपानी उपभोक्ता संस्थाका अध्यक्ष लोकनाथ रेग्मीले पाइपलाइन मर्मत गरेर आइतबार बगरफाँटमा खानेपानी आपुर्ति गराएको जानकारी दिनुभयो । संस्थाका पदाधीकारी, सदस्य र उपभोक्ताले शुक्रबारदेखि श्रमदान गरेर पाइप मर्मतमा जुटेका थिए ।
माटेपानी नजिकैको सडक कालीगण्डकीको बाढीले कटान गरेर बगाएपछि बगरफाँट सडक सञ्जालबाट सम्पर्क बिच्छेद भएको छ । कालीगण्डकीमा पानीको सतह नघटेसम्म सो सडक मर्मत समभवन देखिएको छैन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)