![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
साजन परियार
बेनि । नेपाल कम्युनिष्ट पार्टी माओबादी केन्द्र म्याग्दीले आर्थिक विभाग गठन गरेको छ ।
जिल्ला संयोजक रेशम जुग्जालीको अध्यक्षता, इञ्चार्ज गोबिन्द पौडेल, प्रदेश कमिटी सदस्य टेकबहादुर बिक र बिनोद केसीको उपस्थितिमा शनिबार बेनीमा बसेको जिल्ला कमिटी बैठकले बिभाग बनाएको हो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
जिल्ला सदस्य रिम केसीको संयोजकत्वमा गठन भएको समितिको सदस्यमा याम रोका र नगेन्द्र केसीलाई चयन गरिएको जिल्ला संयोजक जुग्जालीले जानकारी दिनुभयो । बैठकले २०७८ असोज ९ गतेसम्म सबै पालिकामा सदस्यता नबिकरण गरिसक्न सम्बद्ध कमिटीलाई निर्देशन दिएको छ ।
यसैगरी जनबर्गीय संगठन र मोर्चाहरुलाई जिल्ला, पालिका र वडा स्तरमा बैठक भेला गर्न निर्देशन दिएको छ । छ वटा पालिका कमिटी बैठकको मिति तय गरेको छ । धवलागिरी र अन्नपूर्ण गाउँपालिकाको भदौ २६ गते, मालिका गाउँपालिकाको २७ गते, मंगला गाउँपालिका र बेनी नगरपालिकामा २८ गते तथा रघुगंगा गाउँपालिकामा २९ गते पालिका कमिटीको बैठक आयोजना गरेको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)