बेनी । पर्वतको जलजला गाउँपालिकाको वारीबेनी र लामाखेतमा शुक्रबार गाँजा फडानी गरिएको छ ।
समुदाय प्रहरी साझेदारी कार्यक्रम अन्तरगत मालढुङ्गा–बेनी सडक आसपासका क्षेत्रमा प्राकृतिक रुपमा सार्वजनिक स्थलमा उम्रिएका लागु पदार्थ गाँजाको कच्चा पदार्थ भाँगोको बोट नष्ट गरिएको हो ।
वारीबेनी प्रहरी चौकीका प्रमुख प्रहरी नायव निरिक्षक भरत गौतमको नेतृत्वमा प्रहरी र फट्केढुङ्गा युवा कल्बका अध्यक्ष सुनिल सेन ठकुरीको नेतृत्वमा स्थानीयबासीहरुले गाँजाका बोट फडानी गरेका थिए ।
करिब १५० गाँजाका बोट वारीबेनी स्थित कालीगण्डकी नदी किनारमा नष्ट गरिएको थियो ।
