बेनी । कपडा तथा फेन्सी ब्यवसायी समिति म्याग्दीले बुधबार बेनीमा रक्तदान कार्यक्रम गरेको छ ।
बि.स. २०७४ मा स्थापना भएको समितिले चौथो स्थापना दिवसको अवसरमा नेपाल रेडक्रस सोसाइटीद्धारा सञ्चालीत रक्तसञ्चार गृह र बेनी अस्पतालको प्राबिधिक सहयोगमा रक्तदान कार्यक्रम आयोजना गरेको हो ।
संघका पदाधीकारी, सदस्य, ब्यवसायी र अन्य व्यक्तिहरु गरी २० जनाले रक्तदान गरेका समितिका उपाध्यक्ष तुलसीनाथ सुबेदी (रामप्रसाद)ले जानकारी दिनुभयो । कोरोना महामारीको समयमा बिरामीको उपचारका लागि रगतको अभाव हुन नदिन रक्तदान कार्यक्रम आयोजना गरिएको उहाँले बताउनुभयो ।
समितिका अध्यक्ष रबीप्रसाद शर्माको अध्यक्षता, म्याग्दी उद्योग बाणिज्य संघ तथा बेनी अस्पताल ब्यवस्थापन समितिका बेलबहादुर कटुवालको प्रमुख आतिथ्यतामा सम्पन्न कार्यक्रमको सञ्चालन सचिब दामोदर शर्माले गर्नुभएको थियो ।
समितिले कपडा ब्यवसायीको समस्या पहिचान, समाधानका साथै बिपद् ब्यवस्थापन, शिक्षा, स्वास्थ्य लगायत सामाजिक क्षेत्रमा सहयोग गर्दै आएका छन् ।
