धौलागिरि खबर

धवलागिरीको बगर धुरीमा मोवाइलको बिटिएस टावर सञ्चालन

Hariyali Groups Pvt Ltd

बेनी । म्याग्दीको भौगोलिक रुपमा बिकट र दुर्गम क्षेत्रमा पर्ने धवलागिरी गाउँपालिका–४ बगरमा मोवाइल फोन सेवा बिस्तार भएको छ ।

बगर गाउँको धुरीमा नेपाल टेलिकमले राखेको मोवाइलको बिटिएस टावरबाट संसारको सातौ अग्लो धौलागिरी हिमालको आधार शिविर क्षेत्रमा पनि सञ्चार सेवा पुगेको छ । आठ हजार १४७ मिटर अग्लो धौलागिरी संसारको सातौ अग्लो हिमाल हो ।

नेपाल टेलिकम म्याग्दी शाखाका प्रमुख बिष्णुदेब शाहले बगरको टावरमा उपकरण जडान गरेर मोवाइल फोन सेवा सञ्चालन गरिएको जानकारी दिनुभयो । “बिद्युत नपुगेकाले सोलारबाट टावर सञ्चालन गरेका छौ,” उहाँले भन्नुभयो “मोवाइलमा कुराकानी गर्न र टुजी (दोस्रो पुस्ता)को इन्टरनेट चलाउन सकिन्छ ।”

Rara Auto Mobiels

धवलागिरी गाउँपालिकाको बगर, सिम्कोश, चेचुङ, नाउराका एक सय घरधुरी बासिन्दाको साथै धौलागिरी चक्रीय पदमार्गको भ्रमणमा आउने पर्यटक, हिमाल आरोही, पथप्रर्दशक र पर्यटक मजदुरलाई सुबिधा पुगेको छ ।

दुर्गम गाउँका बासिन्दाको सूचना प्रबिधिमा पहुँच बढेको छ । यसअघि मोवाइलमा कुराकानी गर्न अग्ला डाडा र रुखमा चढ्नुपर्ने बाध्यता थियो । सञ्चार सुबिधा नुहँदा स्थानीयबासी, पर्यटकहरु प्रभावित भएका थिए ।

Chadani auto head

धौलागिरी आधार शिविर क्षेत्रमा सञ्चार सेवा बिस्तारका लागि धवलागिरी गाउँपालिकाले बगरको धुरीमा बिटिएसका उपकरण राख्ने र कुरुवा बस्ने घर निर्माण गरेको थियो । बस्ती देखि टाढाको डाडामा पालिकाको केन्द्र मुनादेखि उपकरण समेत ढुवानी गरिएको अध्यक्ष थमसरा पुनले बताउनुभयो ।

म्याग्दीमा नेपाल टेलिकमले २८ वटा बिटिएस टावर सञ्चालन गरेर मोवाइल फोन सेवा उपलब्ध गराएको छ । एक लाख १३ हजार जनसंख्या भएको म्याग्दीमा टेलिकमको टेलिफोन र मोवाइल सिम प्रयोग गर्नेहरु ८२ प्रतिशत रहेका टेलिकमका शाखा प्रमुख शाहले बताउनुभयो ।

बेनी, दरबाङ, गलेश्वर र घोडेपानीमा एक हजार ३२८ वटा तारजडित टेलिफोन, एक हजार २०० लाइनबाट एन्टिफाइबर इन्टरनेट सञ्चालन र ७४ हजार प्रिपेड र प्रोस्पेड सिम बितरण गरेको छ । पन्ध्रहजार सिडिएमए र स्काई फोन बितरण गरेको थियो । सिडिएमए र स्काई प्रतिस्थापन गर्न लागिएको शाखा प्रमुख शाहले बताउनुभयो ।

टेलिकमले म्याग्दीको रघुगंगाको चिमखोला, धवलागिरीको मल्कवाङ र लुलाङमा थप तीन वटा बिटिएस टावर राखेर सेवा बिस्तारको तयारी गरेको छ ।

Dhakal lab
प्रतिक्रिया दिनुहोस
Loading...