धौलागिरि खबर

नारच्याङमा सहिद स्मृति प्रवेशद्धार निर्माण

नारच्याङ, । म्याग्दीको अन्नपूर्ण गाउँपालिका–४ नारच्याङमा “जनयुद्ध”का सहिदको स्मृतिमा प्रवेशद्धार निर्माण भएको छ ।

सहिद उदिसुवा बुद्धुजाको स्मृतिमा नारच्याङको बेशीगाउँ स्थित कालीगण्डकी नदीमाथि निर्माण भएको बेलिब्रिज नजिकै प्रवेशद्धार निर्माण गरिएको हो ।

बि.स. २०६० माघ ३ गते नारच्याङ देखि बेनी जाने क्रममा ५२ वर्षीया बुद्धुजाको रघुगंगा गाउँपालिका–२ रिठाबोटमा तत्कालीन बिद्रोही पक्ष माओवादीले तत्कालीन शाही सेनालाई थापेको एम्बुस (धराप) बिस्फोटमा परेर निधन भएको थियो ।

Rara Auto Mobiels

निर्वाचन क्षेत्र पुर्बाधार साझेदारी कार्यक्रम अन्तरगत अन्नपुर्ण गाउँपालिकाको आर्थिक सहयोगमा प्रवेशद्धार र प्रतिक्षालय निर्माण गरेको उपभोक्ता समितिका सदस्य तेज गुरुङले जानकारी दिनुभयो ।

“शान्ति प्रक्रियापछि सरकारले बुद्धुजालाई जनयुद्धमा ज्यान गुमाएका राज्य र बिद्रोहीपक्षका सरह सहिद घोषणा गरेको थियो,” उहाँले भन्नुभयो “उहाँको सम्मानमा प्रवेशद्धार बनाउने योजना १४ वर्षपछि पुरा भयो ।”

प्रवेशद्धार निर्माणका लागि प्रतिनिधिसभा सदस्य भुपेन्द्रबहादुर थापाको सिफारिसमा आर्थिक वर्ष २०७७÷७८ मा गाउँपालिकाबाट रु. दश लाख बिनियोजन भएको थियो । दायाँ र बाँया पिल्लर ठडाएर पक्कि बिमले जोडिएको प्रवेशद्धारको माथिल्लो भागको बिचमा सहिद बुद्धुजाको शालिक राखिएको छ ।

एकातर्फ बुद्ध र अर्कोतर्फ शिवजीको मुर्ति राखिएको छ । दायाँतर्फको पिल्लरमा वुद्धुजाको संक्षिप्त परिचय सहितको शिलालेख राखिएको छ । बायँतर्फको पिल्लरमा उपभोक्ता समितिका पदाधीकारी, सदस्य र सहयोगीहरुको नाम सहितको शिलालेख राखिने सदस्य गुरुङले बताउनुभयो । उदीसुवाका श्रीमान गमबहादुर बुद्धुजा तत्कालीन जिबिसका सदस्य, नारच्यांग गाउँ पञ्चायतका प्रधानपञ्च र प्रभा माबिका पुर्ब प्रअ हुनुुन्थ्यो । उहाँ नेकपा एमालेमा आवद्ध हुनुहुन्थ्यो ।

इटा, सिमेन्ट, बालुवा, गिट्टी र रडको प्रयोग गरेर बनाइएको प्रवेशद्धारलाई रातो रंगले पोतिएको छ । प्रवेशद्धार नजिकै प्रतिक्षालय निर्माण भएको छ । सडक मार्ग भएर नारच्याङ भित्र्ने र बाहिरिने एकमात्र सो बेलिब्रिजको नाकामा प्रवेशद्धार बनाइएको हो ।

प्रवेशद्धार र प्रतिक्षालयको नजिकै नारच्याङ स्थित आठ हजार ६१ मिटर अग्लो अन्नपूर्ण हिमालको पहिलो पटक आरोहण गर्ने फ्रान्सका मौरिज हर्गोजको शालिक राखिने भएको छ । सन १९५० को जुन ३ मा हर्गोजले अन्नपूर्ण प्रथम हिमालमा पहिलो पटक सफल आरोहण गरेर किर्तिमान कायम गर्नुभएको थियो ।

हर्गोज आठ हजार मिटर भन्दा अग्लो हिमाल आरोहण गर्ने पहिलो पर्वतारोही हुनुहुन्छ । हर्गोजले अन्नपूर्ण प्रथम चढेको तीन वर्षपछि बल्ल सगरमाथामा पहिलो पटक मानव पाइला परेको थियो ।

Dhakal lab
प्रतिक्रिया दिनुहोस
Loading...