![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
जोमसोम । नेकपा एमाले निकट राष्ट्रिय युवा संघ जिल्ला कमिटि मुस्ताङले घरपझोङ गाउँपालिका–२ मार्फा खोलामा आवत जावतका लागि अस्थाई पुल निर्माण गरेको छ ।
गत महिना मार्फा खोलामा आएको बाढीले त्यहाँ रहेको काठको पुल बगाएपछि सवारी साधन र मानिस वारपार गर्न समस्या भएको थियो । युवा संघको अगुवाइमा श्रमदान गरेर निर्माण गरिएको पुलबाट मोटरसाइकल र पैदलयात्रु आवत जावत गर्न सक्छन् ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
दुई तर्फ ग्यावीयन पर्खाल र फलामको ट्रस राखेर पुल बनाएको युवा संघका केन्द्रिय सदस्य अमित तुलाचनले बताउनुभयो । नेकपा एमाले मुस्ताङका अध्यक्ष तथा गण्डकी प्रदेशसभा सदस्य चन्द्रमोहन गौचन, युवासंघ मुस्ताङका अध्यक्ष बुद्धीमाया थकाली लगायत श्रमदानमा सहभागि हुनुभएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
पुल निर्माण कार्यमा नेपाल प्रहरी, सशस्त्र प्रहरी, युवा संघ र अनेरास्ववीयुका नेता कार्यकर्ताका साथै डोजर अपरेटर र कर्मचारीहरुले पनि श्रमदान गरेका थिए । मार्फा खोला बेनी–जोमसोम सडक अन्तरगत पर्छ ।
![](https://dhaulagirikhabar.com/wp-content/uploads/2021/07/Marfa-khola-ma-bridge-2.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)