धौलागिरि खबर

म्याग्दीका तीन वटा बन समुह पुरस्कृत

बेनी , म्याग्दीका उत्कृष्ट तीन वटा सामुदायिक बन उपभोक्ता समूहलाई पुरस्कृत गरिएको छ ।

डिभिजन बन कार्यालय म्याग्दीले बन तथा वातावरण संरक्षण, ब्यवस्थापन, चोरी शिकारी, डडेलो नियन्त्रणमा उत्कृष्ट काम गर्ने समूहलाई नगद सहित पुरस्कृत गरेको हो ।

सातबिसे सामुदायिक बन मंगला–४ लाई रु. आठ हजार, कमेरे झ्याउले सामुदायिक बन बेनी–१ लाख रु. छ हजार र किम्लाखर्क सामुदायिक बन उपभोक्ता समूह अन्नपूर्ण गाउँपालिका–२ भुरुङ तातोपानीलाई रु. चार हजार सहित पुरस्कृत गरिएको निमित्त डिभिजनल बन अधिकृत सन्तोष खनालले जानकारी दिनुभयो ।

Rara Auto Mobiels

जिल्ला बन क्षेत्र समन्वय समितिको बुधबार बसेको बैठकमा जिल्ला समन्वय समितिका प्रमुख देबेन्द्रबहादुर केसी, निमित्त डिभिजनल बन अधिकृत खनाल लगायतले पुरस्कृत सामुदायिक बन उपभोक्ता समूहका पदाधीकारीलाई नगद र प्रमाणपत्र प्रदान गर्नुभएको थियो । ति सामुदायिक बन समूहले आर्थिक वर्ष २०७६÷७७ मा सम्पादन गरेका कामको मूल्याङ्कनका आधारमा पुरस्कारका लागि छनौट गरिएको थियो ।

आर्थिक वर्ष २०७७÷७८ मा रघुगंगा गाउँपालिकाको कुइनेमंगलेमा थपिएको एक वटा सहित म्याग्दी जिल्लाभर ३१३ वटा सामुदायिक बन उपभोक्ता समूह छन् । आर्थिक वर्ष २०७७÷७८ मा डिभिजन बन कार्यालयले सञ्चालन गरेको कार्यक्रमको भौतिकतर्फ ९३ र बित्तीय तर्फ ८९ प्रतिशत प्रगति भएको छ ।

Khanipani
प्रतिक्रिया दिनुहोस
Loading...