![](https://dhaulagirikhabar.com/wp-content/uploads/2021/07/Baranja-ko-Yojona.jpg)
![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको मंगला गाउँपालिका–३ र ४ बरंजामा चालु आर्थिक वर्षमा बजेट बिनियोजन भएका सत प्रतिशत योजना कार्यान्वयन भएका छन् ।
दुई वटै वडाका जनप्रतिनिधी, प्राबिधिक, उपभोक्ता समिति र स्थानीयबासीको सक्रियताका कारण कोरोनाको जोखिम, निषेधाज्ञा र छिटो सुरु भएको बर्षातका बाबजुद योजनाहरु कार्यान्वयन गरेका हुन् ।
![](https://dhaulagirikhabar.com/wp-content/uploads/2021/07/Baranja-ko-Yojona-1.jpg)
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
लागत अनुमान अनुसारको काम सकेर सबै उपभोक्ता समितिले भुक्तानी लिइसकेका वडाका जनप्रतिनिधीहरुले बताउनुभयो । मंगला गाउँपालिकाले वडा नम्बर ३ मा २२ र ४ मा २४ वटा योजनाका लागि बजेट बिनियोजन गरेको थियो ।
यसैगरी सांसद बिकास तर्फ दुई वटा, जिल्ला समन्वय समितिको अनुदानका दुई वटा र भैपरी आउने र बिपद् सम्बन्धी सात वटा योजना सम्पन्न भएका मंगला गाउँपालिकाको ३ र ४ नम्बर वडाका योजना हेर्ने प्राबिधिक बिपिन आचार्यले बताउनुभयो ।
सडक, भवन, खानेपानी, सिचाई, पदमार्ग, खेलमैदान लगायतका योजना सञ्चालन भएका थिए । राष्ट्रिय योजना आयोग र गाउँपालिकाको साझेदारीमा सञ्चालित पोक–सातबिसे–ज्यामिरे–तोरिडाडा– ३ नम्बर वडा कार्यालय हुदै ४ नम्बर वडा कार्यालय जोड्ने सडक पनि ठेक्का मार्फत बिस्तार, नाली, ग्यावीयन र मेसिनरी पर्खाल निर्माण गर्ने काम लक्ष्य अघिनै सकिएको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)