![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको उत्तरी क्षेत्र हुदै हिमाली जिल्ला मुस्ताङलाई राष्ट्रिय राजमार्गसँग जोड्ने बेनी–जोमसोम सडकमा सोमबार साँझदेखि यातायात सुचारु भएको छ ।
म्याग्दीको काभ्रेभिर, रुप्सेखोला, भुरुङ्ग–तातोपानीको नागढुङ्गमा पहिरो र कटानका कारण जेठ अन्तिम हप्तादेखि ७६ किलामिटर दुरिको बेनी–जोमसोम सडकमा सिधा यातायात अवरुद्ध बनेको थियो ।
बेनी–जोमसोम–कोरला सडक आयोजनाका प्राबिधिक कर्मचारी, आयोजना अन्तरगतका ठेकेदार कम्पनीका उपकरण र मजदुर, सुरक्षाकर्मी र स्थानीयबासीहरुले पहिरो पन्छाएर तथा नदीले कटान गरेको ठाउँमा पर्खाल लगाएर सडक खुलाएका हुन् ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
आयोजनाका सुपरभाइजर इन्द्रसिंह शेरचनले बर्षा रोकिएसँगै काभ्रेभिर, रुप्सेखोलाको पहिरो पन्छाउने र नागढुङ्गामा पर्खाल बनाएर बेनी–जोमसोम सडकमा सिधा यातायात सञ्चालन गरिएको जानकारी दिनुभयो ।
म्याग्दीको रघुगंगा गाउँपालिकाको चमेरेमा खसेको पहिरो आइतबारनै पन्छाइएको थियो । सडक खुलेपछि बीच बाटोमै रोकिएका सवारी साधन गन्तब्यतर्फ लागेका छन् । स्तरोन्नितिको क्रममा रहेको बेनी–जोमसोम सडक पहिरो र कटानले क्षति गरेको छ ।
![](https://dhaulagirikhabar.com/wp-content/uploads/2021/06/Beni-Jomsome-Road-Khulyo.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)