![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
मल्लाज । पर्वतको जलजला गाउँपालिका २ तमिलाखर्कमा लगातारको वर्षातका कारण पहिरोको उच्च जोखिममा परेको छ ।
भूमिगत पहिरो केही दिनदेखिको बर्षातसँगै सक्रीय भएर बस्तीका घरनजिकै पुगेको छ । स्थानीय रामबहादुर कार्कीले पहिरोबाट १६ घर परिवार जोखिममा परेको बताउनुभयो ।
सडक र प्रशारण लाइन निर्माणमा भएको लापरबाहीका कारण तमिलाखर्कको बस्ती पहिरोको जोखिममा परेको स्थानीयको भनाई छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
बस्तीमुनी नेपाल बिद्युत प्राधिकरणले दाना–कुश्मा प्रशारण लाइनको टावर संरक्षणका लागि पर्खाल बनाउन जमिन खनिएको थियो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
त्यो ठाउँमा ठेकेदारले महिनौसम्म पर्खाल नबनाएकाले पहिरोको जोखिम बढेको स्थानीय कृष्ण केसीले बताउनुभयो । स्थानीयबासीले टावरसँगै बस्ती संरक्षणका लागि पर्खाल निर्माण गर्न माग गरेका छन् ।
प्रशारण लाइनको कार्यालयमा निवेदन पेश गरेपनि बेवास्ता गरेको गुनासो गरेका छन् । वारीबेनी–वगरफाट–गौरेटे, विमिराबोट ८ मिटर नालि सहितको सडकको नालीको भल पनि सुरक्षित रुपमा ब्यवस्थापन भएको छैन् ।
बस्ती मुनी भिरालो छाँगा बनाएर सडक फराकिलो बनाएको छ । तर ग्यावीयन जाली लगाएको छैन् । सडकको लापरबाहीले प्रशारण लाइनको टावर पनि जोखिममा परेको छ ।
सडकका कारण उत्पन्न पहिरो नियन्त्रण गर्न सडक डिभिजन कार्यालय बागलुङका प्रमुख रामेश्वर लम्साललाई स्थानीयले ध्यानाकर्षणपत्र बुझाएका थिए ।
![](https://dhaulagirikhabar.com/wp-content/uploads/2021/06/Tamilakharka-Pahairo-2-1024x768.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)