![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
पोखरेबगर । म्याग्दीको अन्नपूर्ण गाउँपालिका–२ को कटुञ्जे गाउँ जोड्ने सडक निर्माण सुरु भएको छ ।
स्थानीय पुर्बाधार साझेदारी कार्यक्रम र गाउँपालिकाको बजेटमा ठूलोबगर भिरको पहाड छिचोलेर कटुञ्जेमा सडक पु¥याउन लागिएको हो । संघीय सांसद भुपेन्द्र थापाको सिफारिसमा बिनियोजन भएको साझेदारी कार्यक्रमको रु. दश लाख र गाउँपालिकाले बिनियोजन गरेको रु. आठ लाख बजेटबाट सडक निर्माण सुरु भएको छ ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
चालु आर्थिक वर्ष भित्र्नै कटुञ्जेमा सडक पु¥याउने लक्ष्य सहित उपभोक्ता समिति मार्फत सडकको मार्ग निर्माण भइरहेको वडा अध्यक्ष ओमप्रकाश फगामीले बताउनुभयो । गत पुषमा दोवाको सुनारी देखि छ्यारछ्यारेको भिर छिचोलेर ठूलोबगर सम्म सडक पु¥याइएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
ठूलो बगर देखि कटुञ्जे भिरसम्म करिब तीन किलोमिटर सडक यसअघिनै निर्माण भएको थियो । ठूलोबगरमा १२ र कटुञ्जेमा २५ घरपरिवारको बसोबास छ । ठूलोबगर ब्यवसायिक तरकारी र कटुञ्जे सुन्तला खेतीको लागि पकेट क्षेत्र हो ।
सडक सुबिधा भएपछि आवत–जावतका साथै ढुवानी र कृषि उपज निकासीमा सहज हुने अपेक्षा गरिएको छ । कटुञ्जेमा सडक पुगेपछि भुरुङ्ग–तातोपानीका सबै बस्तिमा यातायात सुबिधा पुग्नेछ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)