धौलागिरि खबर

सैद्धान्तिक ज्ञानलाई ब्यवहारमा उतारेर कृषि उद्यम

बेनी । नेपालको शिक्षा ब्यवहारिक नभएको आवाज उठिरहेका बेला प्राबिधिक शिक्षा हाँसिल गरेका म्याग्दीका एक युवाले पढेको ज्ञान ब्यवहारमा उतारेका छन् ।

बेनी नगरपालिका–९ गिठेनीका गणेश चोखालले सैद्धान्तिक ज्ञानलाई ब्यवहारमा उतार्दै कृषि फार्म सञ्चालन गरेका हुन् । कृषि सम्बन्धी शिक्षा हाँसिल गरेका गणेश चोखालले कृषि ब्यवसाय सञ्चालन गरेर स्वरोजगार बनेका हुन् । २०७६ मा बिमको किसानी प्राबिधिक शिक्षालयबाट बालीबिज्ञान बिषयमा आइएस्सी एजी उतिर्ण चोखालले घरमै कृषि फार्म सञ्चालन गरेका छन् ।

चोखालले बैदेशिक रोजगारको बिकल्पमा गाउँमै रामकृष्ण कृषि पशुपंक्षी तथा फलफुल नर्सरी फार्म स्थापना गरेका हुन् । उनले ब्यवसायिक रुपमा सुन्तला, कागति, दाँते ओखर, साग लगायत फलफुल र सागको बिउ तथा बिरुवा उत्पादन गर्न थालेका छन् ।

Rara Auto Mobiels

उहाले आठ हजार सुन्तला, बीस हजार भन्दा बढी सुन कागति, दुई हजार पाँच सय टिम्मुर, एक हजार पाँच सय दाँते ओखरका बिरुवा उत्पादन गर्नुभएको छ । पढाईका क्रममा हासिल गरेको सैद्धान्तिक ज्ञानलाई ब्यवहारमा उतारेर ब्यवसाय गरी स्वरोजगार बनेको चोखालले बताए । आइएस्सीएजी उतिर्ण भएलगत्तै चोखालले सुरु गरेको कृषि फार्मलाई चालु आर्थिक वर्षमा कृषि ज्ञान केन्द्रले सहयोग गरेको छ ।

कार्यालयबाट दुई लाख रुपैयाँ अनुदान पाएका चोखालले थप दुई लाख रुपैयाँ लगानी थपेर दुई वटा सेमि हाइटेक प्रबिधीको टनेल बनाउनु भएको छ । एउटा टनेलमा साग र अर्कोमा फलफुलका बिरुवा उत्पादन गर्नुभएको छ । उहाँले टिम्मुर र एभोकाडोको पनि बिरुवा उत्पादनको तयारी गर्नुभएको छ ।

Dhakal lab
प्रतिक्रिया दिनुहोस
Loading...