धौलागिरि खबर

रघुगंगा र अन्नपूर्णका संक्रमितलाई आयुर्वेदिक औषधी बितरण

Beni Sanjibani

बेनी । म्याग्दीको रघुगंगा र अन्नपूर्ण गाउँपालिकाका कोरोना संक्रमितलाई आयुर्वदिक औषधी बितरण गरिएको छ ।

रघुगंगा गाउँपालिकाले पिप्ले स्थिति कोरोना अस्पताल, होमआइसोलेशनमा भएका तथा अन्नपूर्ण गाउँपालिकाले वडा न. ३ दानाका होम आइसोलेशनमा रहेका संक्रमितहरुलाई परामर्शका साथै रोग प्रतिरोधात्मक क्षमताको आयुर्वेदिक औषधी वितरण गरिएको हो ।

रघुगंगाको आयुर्वेद स्वास्थ्य शाखाका प्रमुख लक्ष्मण चालिसेले संक्रमितहरुलाइ चेवन परस, भिटामिन सि युक्त आमलची चुर्ण, असोगन्ध चुर्ण, रोगप्रतिरोधात्मक क्षमता बढाउने चियाका लागि चिरकटु, यस्टीमधु, गुर्जो मिसाएर खुवाउने गरिएको छ ।

Gose add

पिप्लेमा रहेको कोभिड अस्थायी अस्पतालमा भर्ना भएका विरामीहरुलाई उपचार संगै रोगप्रतिरोधात्मक क्षमता बढाउने आयुर्वेदीक विज्ञहरुबाट सिफारिस भएका औषधीहरु उपलब्ध गराउने गरिएको अस्पतालका डाक्टर सन्तोष प्रसाद बोहराले जानकारी दिनुभयो ।

यसैबिच गाउँपालिकाको विभिन्न वडाहरुमा कोरोना संक्रमण बढ्न थालेपछि गाउँपालिकाका जनप्रतिनिधि, स्वास्थ्यकर्मी र कर्मचारीहरुको टोलीले संक्रमितको अबस्था बुझन र आवश्यक औषधीहरु घरघरमा पु¥याउने अभियान समेत सञ्चालन गरिएको छ ।

Chadani auto head

सोमबार गाउँपालिका अध्यक्ष भवबहादुर भण्डारी, उपाध्यक्ष कमला तिलिजा, प्रमुख प्रशासकिय अधिकृत अमृत सुवेदी, स्वास्थ्य शाखा प्रमुख टिकाबहादुर शाही, आयुर्वेद औषधालय प्रमुख लक्ष्मण चालिसेले वडा नम्बर ४ दग्नाममा पुगेर संक्रमितहरुको अबस्था बुझने र उनीहरुलाई रोगप्रतिरोधात्मक क्षमता बढाउने र संक्रमितलाई आबश्यक पर्ने अत्यावश्यक औषधीहरु उपलब्ध गराउनुभएको छ ।

टोलीले दग्नाममा थपिएका कोरोना संक्रमितहरुको कन्ट्याक्ट ट्रेसिङ समेत गरेको छ । वडा नम्बर ४ दग्नाममा ११ जनामा कोरोना संक्रमण पुष्टि भएको छ । सबै संक्रमित होम आईसोलेसनमा रहेका छन् ।

यसैगरी अन्नपूर्ण गाउँपालिकाको आयुर्वेद स्वास्थ्य शाखाले दानाको डाडागाउँका ५५ घरधुरीलाई जडिवुटीयुक्त आयुर्वेद औषधी बितरण गरेको छ । शाखाका प्रमुख सुर्यमणी शाह, कार्यपालिका सदस्य थमबहादुर बिक, वडा सदस्य गंगा बिक, स्थानीय बेलबहादुर पुर्जा, कार्यालय सहयोगी रोशनी पुनको टोलीले औषधी बितरण गर्नुभएको थियो ।

कोरोनाको उच्च जोखिममा रहेको डाडागाउँमा कतारमा रहनुभएका स्थानीय जंगबहादुर बिकले उपलब्ध गराउनुभएको ५१ हजार ९५० रुपैयाँ मूल्य बराबरको स्वास्थ्य सामग्री सुकबहादुर बिक मार्फत बितरण गरिएको थियो । प्रतिव्यक्ति तीन वटा मास्क, प्रतिघर एक बोत्तल स्यानीटाइजर बितरण गरिएको हो ।
दानाका वडा अध्यक्ष नरसिंहबहादुर पुर्जा, दाना स्वास्थ्य चौकीका अनमी मिना नेपाली र प्रहरी चौकीका टोलीले डाडागाउँको स्थलगत निरिक्षण गरि निषेधाज्ञा र स्वास्थ्य सुरक्षाको मापदण्ड पालना गर्न आग्रह गर्नुभयो । सक्रमितहरुलाई आत्मबल बढाउन परामर्शका साथै औषधीकरण पनि उपलब्ध गराउनुभएको दानाबाट गंगा पुनले जानकारी दिनुभयो ।

Digo clinic
प्रतिक्रिया दिनुहोस
Loading...