![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । तिब्र रुपमा फैलिएको कोरोना (भाइरस)को संक्रमण नियन्त्रणका लागि म्याग्दीको मंगला गाउँपालिकामा निषेधाज्ञा गर्न सिफारिस भएको छ ।
गाउँपालिकाका अध्यक्ष सतप्रसाद रोकाको अध्यक्षतामा शनिबार बाबियाचौरमा बसेको सर्वपक्षीय बैठकले दश दिन निषेधाज्ञा गर्न कोभिड १९ जिल्ला संकट ब्यवस्थापन केन्द्र र सुरक्षा समितिलाई सिफारिस गरेको हो ।
२०७७ बैशाख २६ गते राती १२ बजेदेखि दश दिनका लागि निषेधाज्ञा गर्न सिफारिस भएको मंगलाका प्रमुख प्रशासकीय अधिकृत मनोहर ढुङ्गानाले जानकारी दिनुभयो । “भोली डिसिसिएमसी र जिल्ला सुरक्षा समितिको बैठकमा हाम्रो सिफारिसको बिषयमा छलफल हुनेछ,” उहाँले भन्नुभयो “गाउँ गाउँमा पनि कोरोना संक्रमण फैलिएकाले रोकथाम गर्न निषेधाज्ञा गर्न सुझाव आएपछि निर्णय गरेका हौ ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
निषेधाज्ञाको अवधीमा अत्यावश्यक बाहेकका गतिबिधी र आवत जावतमा निषेध गरिन्छ । हाल मंगला गाउँपालिकामा १५ जना सक्रिय संक्रमित छन् । केही दिनअघि कुहँुका एक जना संक्रमित बृद्धाको पोखरामा उपचारको क्रममा ज्यान गएको थियो । वडा न. १, २ र ५ नम्बर वडामा बढी मात्रामा संक्रमित भेटिएका छन् ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
दुई जना संक्रमितको अर्मन स्वास्थ्य चौकीमा स्थापना गरिएको कोरोना अस्पतालमा उपचार भइरहेको गाउँपालिकाका स्वास्थ्य शाखा संयोजक लेखनाथ रोकाले बताउनुभयो । जटिल अवस्थाका संक्रमित बेनी, पोखरामा उपचार गरिरहेका छन् । स्वास्थ्य अवस्था सामान्य भएका संक्रमितहरु होम आइसोलेशनमा छन् । ।
कोरोना रोकथाम गर्न बेनी नगरपालिका क्षेत्रमा बैशाख २३ गते रातीदेखि ३१ गतेसम्म निषेधाज्ञा गरिएको छ । धवलागिरी गाउँपालिका, वडा कार्यालय र सेवा केन्द्रको सेवा अनिश्चितकालका लागि बन्द भएको छ । धवलागिरीको ६ र ७ नम्बर वडा सिल गरिएको छ । मालिका गाउँपालिकामा पनि कोरोना नियन्त्रणको रणनीति बनाउन आइतबार सर्बपक्षीय बैठक बोलाइएको छ ।
यसैगरी शनिबार म्याग्दीमा पाँच जना कोरोना भाइरसका संक्रमित थपिएका गण्डकी प्रदेशको स्वास्थ्य निर्देशनालयले जनाएको छ । संक्रमित हुनेमा रघुगंगा गाउँपालिकाका दुई र बेनी नगरपालिकाका तीन जना छन् ।
![](https://dhaulagirikhabar.com/wp-content/uploads/2021/05/Mangala-Lockdown-Notice.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)