धौलागिरि खबर

मालगाउँमा कोरोना रोकथामका लागि जनचेतनामुलक कार्यक्रम

बेनी, जलजला गाउँपालिका–१ बाँसखर्कको मलगाउँमा मंगलबार तिब्र रुपमा फैलिएको दोस्रो लहरको कोरोना भाइरस नियन्त्रणका लागि जनचेतनामुलक कार्यक्रम भएको छ ।

देउराली सामुदायिक वन उपभोक्ता समूहको आयोजनामा मलगाउँमा घरदैलो गरेर कोरोना भाइरसबाट बच्ने उपायको बारेमा जानकारी गराउनुका साथै मास्क र स्यानीटाइजर बितरण गरिएको हो ।

१५० जनालाई ७५० मास्क र स्यानीटाइजर बितरण गरिएको थियो । देउराली सामुदायिक वन उपभोक्ता समूहले मास्क खरिद गरेको थियो । जलजला गाउँपालिकाको स्वास्थ्य शाखाले स्यानीटाइजर उपलब्ध गराएको थियो । वडा सदस्य युवराज अर्मजा र देउराली सामुदायिक वन उपभोक्ता समूहका अध्यक्ष समबहादुर तिलिजाको नेतृत्वमा घरदैलो गरिएको थियो ।

Rara Auto Mobiels

वडाका सबै जनप्रतिनिधी, संघ संस्था र सामुदायिक वन उपभोक्ता समूहलाई कोरोना नियन्त्रणमा परिचालन हुन वडा सदस्य अर्मजाले आव्हान गर्नुभएको छ । बाँसखर्कमा देउराली, एकराते र बहराइनी सामुदायिक वन उपभोक्ता समूह छन् ।

Baruwal Katuwal treders
प्रतिक्रिया दिनुहोस
Loading...