![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको बेनी नगरपालिका–१ अर्जमका एक व्यक्ति १७ दिन देखि बेपत्ता भएका छन् ।
२०७७ चैत २२ गते राती ९ बजेदेखि सम्पर्कविहिन भएका ५६ बर्षिय पृथु नेपालीको अवस्था पहिचान हुन नसक्दा खोजीमा सघाउन परिवारले अपिल गरेका छन् । छिमेकी, आफन्त र वरपरका गाउँमा खोज्दा नभेटिएपछि रत्नेचौरी प्रहरी चौकीमा निवेदन दिएर खोजी सुरु गरेको पृथुका छोरा आसिस परियारले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
मानसिक स्वास्थ्य समस्या रहेका पृथु घरबाटै वेपत्ता हुनुभएको हो । केहीदिन आफन्तकोमा गएर फर्किने अनुमान गरिएपनि नआएपछि परिवार चिन्तामा छ । बेपत्ता नेपालीले अधिक मदिरा सेवन गर्ने गरेका थिए ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
सामाजिक सञ्जालमार्फत खोजी कार्यमा सहयोगका लागि परिवारजनले आग्रहसमेत गरेका छन् । परिवारका सदस्यले कसैले भेटे वा देखेमा मोबाइल नम्बर ९८०६५९५९२६ वा ९८२१३६७९३० मा फोन गरी सहयोग गर्न आग्रह गरेका छन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)