बेनी । बेनीमा आइतबार मोतियाविन्दुका बिरामीहरुको निशुल्क शल्यक्रिया शिविर सुरु भएको छ ।
सामाजिक र मानविय सेवामा क्रियाशिल लायन्स क्लवहरुले आयोजना गरेको शिविर दुई दिनसम्म सञ्चालन हुनेछ् ।
यसअघि पालिका स्तरमा सञ्चालन भएको शिविरमा पहिचान भएका ११० जना मोतिया बिन्दुको समस्या भएका बिरामीहरुको शल्यक्रिया गरिने शिविरका संयोजक लायन्स क्लवका जोन चियर पर्सन लोकेश पुनले जानकारी दिनुभयो ।
हिमालय आखा अस्पताल पोखरा, नेपाल नेत्र ज्योती संघ, नेपाल रेडक्रस सोसाईटी र बेनी अस्पतालको प्राविधिक सहयोगमा शिविर संचालन गरिएको हो । शिविरको म्याग्दीका प्रमुख जिल्ला अधिकारी गणेशबहादुर अधिकारीले उद्घाटन गर्नुभयो ।
यसअघि अन्नपूर्ण गाउँपालिकाको भुरुङ्ग–तातोपानी, रघुगंगा गाउँपालिकाको भगवति, धवलागिरी गाउँपालिकाको फलियागाउँ, मंगला गाउँपालिकाको बाबियाचौर, बेनी नगरपालिकाको रत्नेचौर र जलजला गाउँपालिकाको मल्लजमा निशूल्क आँखा परिक्षण शिविर भएको थियो । एक हजार २९१ जनाको आँखा परिक्षण गरेर मोतियाबिन्दुका बिरामी पहिचान भएको थियो ।
