बेनी । बेनीमा सोमबारदेखि ब्यवसायिक सिलाई कटाई तालिम सुरु भएको छ । बेनी नगरपालिकाद्धारा सञ्चालित गरिबी निवारणका लागि लघुउद्यम बिकास कार्यक्रमको आयोजनामा सञ्चालन भएको तालिममा १५ जनाको सहभागिता छ ।
२०७८ असार ९ गतेसम्म सञ्चालन हुने तालिमको नगर प्रमुख हरिकुमार श्रेष्ठले उद्घाटन गर्नुभयो । नगर प्रमुख श्रेष्ठले निशूल्क सिपलाई उपयोग गरेर जिविकोपार्जन सुधारमा अग्रसर हुन् सहभागीलाई आग्रह गर्नुभयो ।
नगरपालिकाका अधिकृत युवराज थापाले सञ्चालन गर्नुभएको कार्यक्रममा उपप्रमुख सञ्जु बरुवालले महिलालाई सिप सिकाएर रोजगार र ब्यवसायिक बनाउन जोड दिएको बताउनुभयो ।
