धौलागिरि खबर

मन्त्री पुनद्धारा स्त्रीरोग शिविर, औषधी बिक्री कक्ष र अक्सिजन उत्पादन केन्द्रको उद्घाटन

बेनी । गण्डकी प्रदेशका सामाजिक बिकास मन्त्री नरदेवी पुनले नागरिकलाई रोगबाट बचाउन प्राथमिकता दिएको बताउनुभएको छ ।

बेनी अस्पताल परिसरमा स्थापना भएको औषधी बिक्री कक्षको भवन, अक्सिजन उत्पादन केन्द्र र स्त्रीरोग सम्बन्धी शिविरको बिहिबार उद्घाटन गर्दै मन्त्री पुनले रोग नागरिकलाई रोग लाग्नै नदिन प्रदेश सरकारले विभिन्न कार्यक्रम ल्याएको बताउनुभयो ।

सचेतना फैलाएर नियमित स्वास्थ्य परिक्षणको साथै प्रमुख स्वास्थ्य चुनौतिको रुपमा देखिएको मुटु, मृगौला, क्यान्सर, रक्तचाप जस्ता रोग लाग्न नदिन र आपतकालिन अवस्थामा जिवन बचाउने उपाय सिकाउन सरकारले समुदाय स्तरमा सचेतनामुलक कार्यक्रम पु¥याएको बताउनुभयो ।
“क्यान्सर, मृगौला जस्ता रोगका बिरामीलाई सरकारले उपचारका लागि एक लाख रुपैयाँ दिने गरेको छ,” उहाँले भन्नुभयो “प्रदेश सरकार नागरिकलाई त्यस्ता रोगनै नलागोस भनेर बिद्यालय, स्वास्थ्य संस्था र समुदाय स्तरमा जनचेतनामुलक कार्यक्रम गर्न लागेको छ ।”

Rara Auto Mobiels

प्रदेश सरकारको सहयोगमा टे«ड युनियन महासंघको बेनी नगर कमिटिले मजदुर महिलाहरुलाई लक्षित गरेर एक दिने पाठेघरको मुखको क्यान्सर पहिचान गर्ने निशूल्क शिविर आयोजना गरेको हो । परिक्षणका क्रममा तीन वर्षपछि सम्म पाठेघरको मुखमा क्यान्सर हुने खतरा छ छैन भन्ने पहिचान गर्न सकिने बेनी अस्पतालका चिकित्सक गोपाल कडेलले बताउनुभयो ।

प्रदेश सरकार, संघीय सरसकारको स्थानीय पुर्बाधार साझेदारी कार्यक्रम, रघुगंगा गाउँपालिका र बेनी अस्पतालको आन्तरिक स्रोतबाट एक करोड रुपैयाँको लागतमा अक्सिजन उत्पादन केन्द्र स्थापना भएको छ । केन्द्रमा उत्पादन भएको अक्सिजन सिधै बिरामीको बेड सम्म पुग्ने ब्यवस्था मिलाइएको बेनी अस्पताल ब्यवस्थापन समितिका अध्यक्ष बेलबहादुर कटुवालले बताउनुभयो ।

लायन्स क्लव अफ बेनी पिस सिटीले अस्पतालको फार्मेसीका लागि औषधी बिक्री कक्ष बनाएको हो । क्लवका संस्थापक अध्यक्ष राजेश शाक्यले व्यक्तिगत रुपमा तीन लाख ५१ हजार रुपैयाँ खर्च गरेर प्रिफेक प्रबिधिको बिक्री कक्षको भवन निर्माण गर्नुभएको हो ।

Dhakal lab
प्रतिक्रिया दिनुहोस
Loading...