![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
लामाखेत । जलजला गाउँपालिकाको केन्द्र लामाखेतमा मंगलबार आमा समूहको अगुवाइमा नाली सरसफाई भएको छ ।
लामाखेत आमा समूहले बेनी–मालढुङ्गा सडक अन्तरगत लामाखेत खण्डको नाली सरसफाई गरेका हुन् । ३३ जनाले दिनभर श्रमदान गरेर करिब चार सय मिटर नालीमा जमेको फोहोर र हिलो ब्यवस्थापन गरेको समूहका कोषाध्यक्ष ओमकुमारी गर्बुजाले जानकारी दिनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
सडक छेउमा रहेको नाली सडक डिभिजनले सरसफाई गर्न बेवास्ता गरेपछि स्थानीय आफै अग्रसर भएका हुन् । नालीमा माटो, हिलो र गेगर भरिएपछि सडकबाट भलबाढी र पानी बग्ने गरेको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
सडक हिलो भएको छ । यात्रुलाई आवत जावत गर्न समस्या भएको थियो । सडकको पानी तलतिरको बस्तिमा परेर घरका सेफ्टी टंकी भरिने, हिलो हुने गरेको थियो ।
गाउँपालिका मार्फत सडक डिभिजन कार्यालयलाई गरेको आग्रहको सुनुवाई नभएपछि स्थानीयबासी आफैले श्रमदान गरेर सरसफाई गरेका कोषाध्यक्ष गर्बुजाले बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)