![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । रोटरी क्लव अफ कान्तिपुरले पर्वतको जलजला गाउँपालिका–३ मल्लाजमा रहेको बिद्याज्योति माबिका बिद्यार्थीलाई छात्रवृत्ति बितरण गरेको छ ।
क्लबद्धारा स्थापित निर्मला ब्यास छात्रवृत्ति कोषबाट १५ जना गरिब तथा जेहेन्दार बिद्यार्थीलाई छात्रवृत्ति बितरण गरिएको हो । कक्षा १ देखि १० सम्म अध्ययन गर्नेलाई जनही दुई हजार र ११ र १२ का बिद्यार्थीलाई जनही तीन हजार पाँच सयका दरले छात्रवृत्ति उपलब्ध गराइएको बिद्यालयले जनाएको छ ।
बिद्यालय ब्यवस्थापन समितिका अध्यक्ष मुरारी शर्माको अध्यक्षतामा भएको कार्यक्रममा क्लवका पुर्ब अध्यक्ष समेत रहनुभएका माझफाँटका धु्रब कुँवरले छात्रवृत्ति बितरण गर्नुभयो । यसैगरी हाल दक्षिण कोरीयामा रहनुभएका जलजला–३ माझफाँटका सुनील बरुवालको पहलमा कोरियाका आमाहरुको आर्थिक सहयोगमा ५५ जना बिद्यार्थीहरुलाई स्विटर बितरण गरिएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
![](https://dhaulagirikhabar.com/wp-content/uploads/2021/02/Bidhya-Joti-Mavi-Schoolarship-3.jpg)
सुनीलकी आमा रेशमकुमारी बरुवालले कक्षा नर्सरी देखि ५ सम्म पढ्ने ५५ जनालाई स्विटर बितरण गर्नुभएको थियो । यसैगरी शिक्षक हरीप्रसाद पौडेलले शैक्षिक र अर्का शिक्षक सबिता गौडेलले पूजा सामग्री विद्यालयलाई उपलब्ध गराउनुभएको थियो ।
प्रअ रघुनाथ आचार्यले स्वागत गर्नुभएको कार्यक्रम शिक्षक हिराबहादुर बरुवालको सञ्चालनमा सम्पन्न भएको थियो । बिद्यालयले सहयोगदाताहरुलाई धन्यवाद ज्ञापन गरेको छ । क्लवले दश वर्षदेखि बिद्याज्योतिमा छात्रवृत्ति उपलब्ध गराउदै आएको छ । सुरुका सात वर्ष प्रति विद्यार्थी एक हजार पाँच सयका दरले छात्रवृत्ति दिदै आएको क्लवले तीन वर्षअघि रकम बढाएको थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)