![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । गण्डकी प्रदेशका ११ मध्य म्याग्दी जिल्लामा कृष्ठ रोगका बिरामी धेरै देखिएका छन् ।
स्वास्थ्य कार्यालयका अनुसार म्याग्दीमा हाल १३ जना कुष्ठरोगका बिरामी छन् । गत आर्थिक वर्ष २०७६÷७७ मा १० जना र यो आर्थिक वर्षको पुष मसान्त सम्म ३ जना कृष्ठरोगका बिरामी भेटिएको कार्यालयका निमित्त प्रमुख एकनारायण लम्सालले बताउनुभयो ।
“प्रति दश हजार जनामा एक भन्दा कम ०.९० प्रतिशत कृष्ठरोगका बिरामी छन,” उहाँले भन्नुभयो “गण्डकीको अन्य भन्दा म्याग्दी जिल्लामा कृष्ठरोगका बिरामी धेरै छन् ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
यो रोगको उपचार १२ महिना भन्दा बढी हुने भएकाले बढी देखीएपनि निवारणको लागि भिविन्न कार्यक्रमहरु गरिरहेको ६८ औ कुष्ठरोग दिवसको अवसरमा आइतबार आयोजित पत्रकारसँगको अन्तरक्रियामा निमित्त प्रमुख लम्सालले बताउनुभयो ।
बिरामीले रोग लुकाउने र अन्तिममा उपचारका लागि अस्पताल आउने. प्रवृतिले उपचार र पहिचानमा समस्या भएको छ । “सामाजिक भेदभाव मुख्य चुनौति हो, रोग लाग्नु भन्दा पनि लागेपछि समाजले हेर्ने दृष्टिकोणले बिरामीलाई समस्या हुन्छ,” उहाले भन्नुभयो, “कुनै पनि लक्षण देखीए जति सक्दो छिटो उपचारमा आउन आवश्यक छ ।”
माईक्रोव्याक्टोरिया लेप्रे नामक किटाणुबाट सर्ने यो रोगको निशूल्क औषधि, उपचारको ब्यवस्था छ । कम सर्ने सरुवा रोगमा पर्ने कुष्ठरोगले छाला र नशामा असर गर्ने डाक्टरहरुको भनाई छ । स्वास्थ्य कार्यालयका परिवार नियोजनका शुपरभाईजर गणेश सुबेदीका अनुसार कुष्ठरोगको लक्षण देखिएमा छालामा असर गर्दा रातो वा हल्का फुस्रो रङको दाग देखिने, अनुहारमा छाला बाक्लो हुने, गिर्खाहरु देखापर्ने र स्नायुमा असर गर्दा हातखुट्टामा छुँदा थाहा नपाउने तथा मांशपेशी कमजोर हुने गर्दछन् । यो रोगको समयमै उपचार नगर्ने हो भने अंगभंग हुने स्वास्थ्य कार्यालय जनाएको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)