मंगला र मालिकामा नेकपाको प्रचण्ड–नेपाल पक्षको अगुवा कार्यकर्ता भेला

Nilgiri hydor notice magh 26

बेनी । नेपाल कम्युनिष्ट पार्टी (नेकपा) को प्रचण्ड–नेपाल पक्षले बिहीबार मंगला र मालिकामा पालिका स्तरीय कार्यकर्ता भेला गरेका छन् ।

मंगलाको बाबियाचौरमा जिल्ला अध्यक्ष गोबिन्द पौडेल र मालिकाको दरवाङमा जिल्ला कार्यालय सदस्य रेशम जुग्जालीको प्रमुख आतिथ्यतामा भएको भेलामा पालिका र वडा कमिटिका नेता, कार्यकर्ता र जनबर्गीय संगठनका प्रतिनिधिहरुको उपस्थिति थियो ।

भेलामा जिल्ला अध्यक्ष पौडेल, प्रदेश कमिटिका सदस्य टेकबहादुर विश्वकर्मा, जिल्ला सचिवालय सदस्य पुनम खड्का र सदस्य नारायण अधिकारीले संबिधान बिपरित ओलीले गरेको संसद बिघटन सर्वोच्च अदालतले पुनस्थापना गर्ने, निर्वाचन आयोगले प्रचण्ड–नेपाल समूहलाई पार्टीको आधिकारिक मान्यता र चुनाव चिन्ह दिने दावी गर्नुभयो ।

Shreekrishna hardwear in news
Bhautik ministry notice about road

यसैगरी दरवाङमा गाउँपालिका कमिटिका सचिव गोबिन सिउथानीको अध्यक्षतामा भएको भेलामा जिल्ला कार्यालय सदस्य जुग्जाली, सदस्य गौरी सेञ्चुरी लगायतले प्रधानमन्त्रीले गरेको संसद बिघटन प्रतिगामी कदम र जनमतको अपमान भएको बताउनुभयो ।

सो भेलाले प्रधानमन्त्रीको संसद बिघटन गर्ने कदमप्रति खेद व्यक्त गर्दै पार्टी एकताको माहोल बनाउन जिल्ला, प्रदेश र केन्द्रीय कमिटिलाई अनुरोध गर्ने निर्णय गरेको छ ।

Naresh Mobile
प्रतिक्रिया दिनुहोस
Loading...