बेनी, म्याग्दीको धवलागिरी गाउँपालिका–७ दाङखोला क्षेत्रको घुम्ती सडकमा बुधबार गुडिरहेको एउटा जिपमाथी अर्को जिप खसेर ठोक्कीदा नौ जना घाइते भएका छन् ।
ताकम देखि दरवाङ जादै गरेको बि.ए.७७९५ नम्बरको जिप पल्टिएर एक घुम्ती मुनी गुडिरहेको ग ३ च ३३१४ नम्बरको अर्को जिपमाथी खस्दा दुर्घटना भएको प्रहरीले जनाएको छ ।
ग ३ च ३३१४ नम्बरको बोलेको जिपका चालक पर्वतको जलजला गाउँपालिका–८ का अनिल नेपाली र बि.ए.७७९५ नम्बरको जिपका चालक धवलागिरी गाउँपालिका–३ मुनाका २७ वर्षीय धु्रब पुन लगायतका घाइतेहरुलाई उद्दार गरेर उपचारका लागि दरवाङ आधारभूत अस्पतालमा लगिएको जिल्ला प्रहरी कार्यालयका प्रहरी निरीक्षक सागर तिमिल्सीनाले बताउनुभयो ।
धवलागिरी गाउँपालिका–७ का १७ वर्षीया रबिना सिर्पाली, ७४ वर्षीय सुनबिर रसाइली, ७८ वर्षीय ख्याउटी रसाइली, ४० वर्षीया धनाकुमारी सुनार, ६३ वर्षिय दलबहादुर सुनार, २६ वर्षीय कल्पना सुनार र रोल्पाको थवाङ–५ का ५२ वर्षीय भिमसेन पुनको पनि दरवाङ आधारभूत अस्पतालमा उपचार भइरहेको छ । घाइतेहरुको अवस्था मध्यम रहेको प्रहरी निरीक्षक तिमिल्सीनाले बताउनुभयो ।
