![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । बेनी नगरपालिका–७ भिमसेनटोलमा रहेको बेनी बचत तथा ऋण सहकारी संस्था लिमिटेडले कोरोना महामारीले अर्थतन्त्रमा पारेको असरलाई मध्यजनर गर्दै कर्जा र ब्याजमा लाग्ने जरिवानामा छुट सुबिधा दिने कार्यक्रम ल्याएको छ ।
पुष मसान्त सम्ममा भाका नाघेका ऋणीहरुलाई कर्जाको साँवा र ब्याज बुझाउन आउने सेयर सदस्यहरुलाई ब्याज हर्जनामा २५ प्रतिशत छुट दिने ब्यवस्था मिलाएको संस्थाका अध्यक्ष रमेश गिरीले बताउनुभयो ।
“हाम्रो छुटको स्किम कोरोना महामारीले संस्थाबाट लिएको कर्जाको साँवा र ब्याज बुझाउन नसकी पौष मसान्त सम्म भाका नाघेका ऋषिहरुलाई बिशेष छुट सुबिधा उपलब्ध गराउन हो,” उहाँले भन्नुभयो “कोरोनाका कारण ऋण लिएर ब्यापार, ब्यवसाय र अन्य गतिबिधिमा लगानी गरेका सेयर सदस्यहरुको आयस्रोत प्रभावित भएकाले सामाजिक उत्तरदायित्व अन्तरगत हर्जनामा छुट दिइएको हो ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
वि.स २०५७ मा स्थापना भएको सहकारीले गत चैत देखि असार महिनासम्म लकडाउन भएको अवधिको ब्याज वापत सात लाख रुपैयाँ भन्दा बढी छुट दिएको थियो । लकडाउन अवधिको ब्याज छुट दिने संस्थाको निर्णय अनुसार २२० जना सदस्यहरुले सात लाख २५ हजार रुपैयाँ बराबरको छुट सुबिधा पाएका सचिब माधवप्रसाद रेग्मीले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
यसैगरी सबै सेयर सदस्यहरुलाई एक लाख रुपैयाँ बराबरको कोरोना बिमा समेत गरिएको छ । कोरोनाका कारण ब्यवसाय प्रभावित हुदाँ समस्यामा परेका सेयर सदस्यहरुको मर्कालाई सम्बोधन गर्न ब्याजमा छुट दिएको सहकारीले जरिवानामा पनि छुट दिने नीति लिएको हो ।
यसैगरी हालै १९ औ स्थापना दिवसको अवसरमा रघुगंगा गाउँपालिका–३ मौवाफाँट स्थित ज्ञानोदय माविमा सञ्चालित दृष्टिबिहिन स्रोत कक्षका बालबालिकाहरुको भरण पोषणका लागि २५ हजार रुपैयाँ सहयोग गरिएको सहकारीका प्रबन्धक सञ्जन शाक्यले जानकारी दिनुभयो ।
गत वर्ष १८ औ स्थापना दिवसको अवसरमा बगुवाखोलाको बालजागृति आधारभूत बिद्यालयमा सञ्चालित बौद्धिक अपाङ्गता भएका स्रोत कक्षा सञ्चालनका लागि स्थापित अक्षयकोषमा २५ हजार रुपैयाँ सहयोग गरेको थियो । सहकारीले सामाजिक उत्तरदायित्वका क्षेत्रमा महत्वपूर्ण योगदान गरेको छ । बेनी नगरपालिकाले स्थापना गरेको कोरोना कोषमा ५१ हजार रुपैयाँ सहयोग गरेको थियो ।
![](https://dhaulagirikhabar.com/wp-content/uploads/2020/12/Beni-Bachat-Help-1024x576.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)