![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, । कोरोना (भाइरस) र प्राकृतिक बिपद्बाट प्रभावित भएका म्याग्दीका अपाङ्गहरुलाई शनिबार बेनीमा राहत सामग्री बितरण गरिएको छ ।
राष्ट्रिय अपाङ्ग महासंघ र अपाङ्ग संघ म्याग्दीको समन्वयमा सिबिएम नेपालले ११ जना अपाङ्गता भएका नागरिकहरुलाई खाद्यान्न, लत्ताकपडा र सरसफाई सामग्री सहयोग गरेको हो ।
प्रतिव्यक्ति १२ हजार रुपैयाँ बराबरको तीस किलो चामल, दुई वटा बलाङ्केट, ३ केजी दाल, २ लिटर खानेतेल, २ केजी नुनको साथमा साबुन, ब्रस, सेनेटरी प्याड लगायत सरकारफाई सामग्री बितरण गरिएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
महासंघका प्रदेश अध्यक्ष खोमराज सुबेदी, केन्द्रिय सचिवालय सदस्य सुरेन्द्र खत्री, अपाङ्ग संघ म्याग्दीका अध्यक्ष गोपाल केसी, लेखाजोखा केन्द्रकी कल्पना खड्काले सामग्री बितरण गर्नुभयो । कोरोना र बिपद्बाट प्रभावित भएका अपाङ्गता भएका नागरिकको जिबनयापन सहज होस भनेर सहयोग गरेको प्रदेश अध्यक्ष सुबेदीले बताउनुभयो ।
४१ जनाको तथ्याङ्क संकलन गरेर सामग्री मागिएकोमा म्याग्दीका ११ सहित ४० जनाका लागि प्रदेशभर सामग्री पाएको थियो । सामान ढुवानीका लागि आइएनएफले गाडी उपलब्ध गराएर सहयोग गरेको थियो ।
![](https://dhaulagirikhabar.com/wp-content/uploads/2020/12/Apanga-lai-rahat-1.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)