बेनी,। म्याग्दीको धवलागिरी गाउँपालिका–७ धारापानीमा रहेको किसानी माविलाई अक्षयकोष स्थापना गर्न एक दाताले एक लाख रुपैयाँ सहयोग गर्नुभएको छ ।
काठमाडौ–ताकम सम्पर्क समितिका अध्यक्ष क्याप्टेन भरत थापाले एक लाख रुपैयाँको अक्षयकोष स्थापना गर्नुभएको हो । बिद्यार्थीहरुका लागि छात्रवृत्ति प्रदान गर्ने उद्देश्यले थापाले रकम उपलब्ध गराउनुभएको बिद्यालय ब्यवस्थापन समितिका अध्यक्ष किरन थापाले बताउनुभयो ।
सहयोगदाता थापाकी बहिनी मनकुमारी थापालाई हालै बिद्यालयले एक कार्यक्रमको आयोजना गरेर सम्मान गरेको थियो । कक्षा १० सम्मको पठनपाठन हुने किसानी माविमा २२५ जना बिद्यार्थी छन् ।
