बेनी, म्याग्दीको मंगला गाउँपालिका–४ बरंजा, आरकुटीमा आइतबार करेन्ट लागेर एक जनाको मृत्यु भएको छ । आरकुटीका ६५ वर्षीय राजेन्द्र राज विश्वकर्माको करेन्ट लागेर घटनास्थलमै मृत्यु भएको जिल्ला प्रहरी कार्यालयले जनाएको छ ।
प्रहरी निरीक्षक सागर पौडेलका अनुसार ११ के.भी. क्षमताको प्रशारण लाइनको तार सर्ट भई पोलको सपोटिङ तारमा विद्युत प्रवाह भईरहेको अवस्थामा बाटोमा हिडिरहेका राजेन्द्रले छुन पुग्दा करेन्ट लागेको हो ।
प्रहरी निरीक्षक पौडेलको नेतृत्वमा घटनास्थलमा पुगेको प्रहरी टोलीले मृतक राजेन्द्रको शव परिक्षणका लागि बेनी अस्पतालमा ल्याएको छ ।
