मार्फा, ः बेनी–जोमसोम–कोरला सडक आयोजनाको म्याग्दी खण्डका सुपरभाइजर इन्द्रसिंह शेरचन शनिबार सम्मानित हुनुभएको छ । ५१ औ संस्कारको मुस्ताङ थाक खेलकुद तथा सांस्कृतिक–कार्यक्रम २०८१ को मार्फामा भएको उद्घाटन समारोहमा शेरचनलाई सम्मान गरिएको हो ।
थासाङ गाउँपालिका–२ नाउरीकोटमा जन्मिएका शेरचनले बेनी–जोमसोम सडक अवरुद्ध हुँदा आम यात्रुहरुलाई सहज रुपमा आवत जावत गर्ने ब्यवस्था मिलाउन अहोरात्र खटेर मानवीय एवं सामाजिक सेवामा योगदान पु¥याएकाले सम्मान गरिएको मुस्ताङ थाक खेलकुद तथा सांस्कृतिक विकास संघका अध्यक्ष कृष्णकुमार शेरचनले बताउनुभयो ।
सो कार्यक्रममा शेरचन सहित संस्थाका पूर्व अध्यक्ष तथा प्रतिनिधीसभाका पुर्वसदस्य प्रेमप्रसाद तुलाचन, संस्थाका पूर्व सचिव राजु लालचन, आर्चरीका अन्तराष्ट्रिय खेलाडी योगेन्द्र शेरचनलाई दोसल्ला ओढाएर सम्मान गरिएको थियो ।
कार्यक्रमका प्रमुख अतिथि पुर्वमन्त्री एवम् संविधानसभा सदस्य रोमी गौचन थकाली, प्रतिनिधीसभा सदस्य योगेश गौचन, संस्थाका अध्यक्ष शेरचन, सचिव बिष्णु थकाली लगायतले सम्मानपत्र वितरण र ढोसल्ला ओढाउनुभएको थियो ।
