बेनी, । पर्वतको जलजला गाउँपालिका ७ मिलनचोकमा रहेको कृष्णगंगा बहुउद्देश्यीय सहकारी संस्थाको १६ औ साधारणसभा शनिबार सम्पन्न भएको छ ।
संस्थाका अध्यक्ष गोविन्दराज जैसीको अध्यक्षता, राष्ट्रिय सहकारी बैंकको सञ्चालक समिति सदस्य रामबहादुर जिसीको प्रमुख आतिथ्यता, सचिव भोजराज आचार्यको सञ्चालन र उपाध्यक्ष रुद्रलाल उपाध्यायको स्वागत मन्तब्यमा कार्यक्रम सम्पन्न भएको थियो ।
एक हजार पाँच जना सदस्यको रु. तीन करोड ३८ लाख ७३ हजार सात सय सेयर पुजि रहेको सहकारीमा गत आर्थिक वर्षमा बचत रु. १४ करोड ७८ लाख २३ हजार ७९० र ऋण लगानी रु. १६ करोड पाँच लाख ९९ हजार एक सय ९५ रहेको छ । रु. दुई करोड ४० लाख ८३ हजार पाँच सय ३५ आम्दानी र रु. एक करोड ९७ लाख ९५ हजार र दुई सय ९१ खर्च भएको थियो ।
साधारणसभाको अवसरमा विविध शिर्षकमा उत्कृष्ट बचतकर्ताहरुलाई सम्मान गरिएको थियो । धौलागिरी क्षेत्रमै चालु आर्थिक वर्षको पहिलो साधारणसभा गरेको प्रबन्धक ओमप्रकाश शर्माले बताउनुभयो ।
