![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
मुना । म्याग्दीको धवलागिरी गाउँपालिका–३ मुनामा एक दम्पत्तीले दिवंगत अभिभावकको स्मृतिमा खानेपानीको टंकी निर्माण गर्नुभएको छ ।
मुनाका राजबहादुर रोका र देवी रोकाले पनेरबोट भन्ने ठाउँमा खानेपानीको टंकी र धारा निर्माण गर्नुभएको हो । टंकी र धारा निर्माण गर्न रोका दम्पत्तीले व्यक्तिगत रुपमा रु. ५ लाख बढी खर्च गर्नुभएको धवलागिरी गाउँपालिका–३ का वडा अध्यक्ष देवेन्द्र रोकाले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
सो सार्वजनिक टंकी र धाराबाट स्थानीयबासीलाई पानी संकलन गर्न, गाईबस्तुलाई खुवाउन, घरायसी उपभोग गर्न, नुहाउन, कपडा धुनका लागि सहज भएको छ । सानो पानीको स्रोतलाई संरक्षण गरेर टंकीमा संकलन हुने र त्यसलाई प्रयोग गर्न मिल्ने गरि संरचना बनाइएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
छिमेकीहरुलाई आवश्यक परेको हुँदा बुवा आमाको नाममा टंकी र धारा बनाएको राजबहादुर रोकाले बताउनुभयो । ग्रामिण क्षेत्रमा धर्मका लागि खानेपानीको धारा, चौतारी, पोखरी बनाउने चलन रहेको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)