![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, ः म्याग्दीको मालिका गाउँपालिका–४ च्युुरीबोटमा रहेको ठुुलाबेसी गैह्ैबेशी सिचाई आयोजनाको पक्कि नहर निर्माण भएको छ ।
गण्डकी प्रदेश सरकारको बजेटबाट उपभोक्ता समिति मार्फत सिचाई आयोजनाको कच्चि नहरलाई ढलान गरेर पक्किमा परिणत गर्न थालिएको हो । चालुु आर्थिक वर्ष २०८०÷०८१ मा बिनियोजन भएको रु. ३० लाख बजेटबाट ६६० मिटर पक्कि नहर निर्माण गरिएको ठुलाबेसी गैह्ैबेशी सिचाई आयोजनाको उपभोक्ता समितिका अध्यक्ष फनबहादुर घर्तिले बताउनुभयो ।
“दाजुङखोला लघुजलविद्युत आयोजनाको विद्युुतगृह देखि मुहानसम्म १ हजार ६८० मिटर पक्कि बनाउने योजना अनुुसार हालसम्म ८८५ मिटर नहर निर्माण सकिएको छ,” उहाँले भन्नुभयो “गत वर्ष रु. १० लाख बजेटबाट २२५ मिटर नहर निर्माण गरेका थियौ ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
गत चैत महिनादेखि शुरु भएको चालुु आर्थिक वर्षको बजेटबाट नहर निर्माणको काम हालै सकिएको हो । कुुल लागतको १० प्रतिशत उपभोक्ताले श्रमदान गरेका हुन् । थप ७९५ मिटर नहर निर्माण गरेर योजनालाई पूूर्णता दिन आगामी वर्षको योजना तथा कार्यक्रममा प्रस्ताव गरिएको खानेपानी, जलस्रोत तथा सिचाई डिभिजन कार्यालयले जनाएको छ ।
सो योजनाबाट ५८ घरधुुरी कृषकको ३०० रोपनी जमिनमा सिचाई सुुविधा पुुग्ने कार्यालयका प्रमुख झलकमोहन ओझाले बताउनुभयो । कच्चि नहरबाट पानी ल्याउँदा सोसिएर खेतबारीसम्म नपुुग्ने समस्या थियो । पक्कि नहर बनेपछि मुहानबाट पठाएको पानी सबै खेतबारी सम्म पुग्न थालेको छ । बाह्ै महिना खेतीबाली लगाउन सकिने भएको स्थानीय कृषक रेशम पुनले बताउनुभयो ।
खानेपानी, जलस्रोत तथा सिचाई डिभिजन कार्यालयले चालु आर्थिक वर्षमा म्याग्दीमा ६० वटा सिचाई आयोजना कार्यान्वयन गरेको छ । २ वटा योजनाको बहुुबर्षीय ठेक्का आव्हान भएको कार्यालयका सब ईञ्जिनियर अञ्जन खत्रीले बताउनुभयो । उपभोक्ता समितिसँग सम्झौता भएका अधिकांश आयोजना सम्पन्न हुुने चरणमा छन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)