बेनी, । नवलपुरमा शनिबार सम्पन्न गण्डकी प्रदेशस्तरीय राष्ट्रपति रनिङ शिल्ड प्रतियोगितामा म्याग्दी जिल्लाले सम्रगमा तेस्रो स्थान हाँसिल गरेको छ ।
एकल इभेन्टमा स्वर्णपदक जितेपनि पहिलोपटक खेलका विभिन्न विधामा उत्कृष्ट प्रर्दशन सहित काँस्य पदक सहित प्रदेशमा खेलकुद विधामा उत्कृष्ट ३ भित्र पर्न सफल भएको हो । जिल्ला खेलकुद विकास समितिका खेलकुद प्रशिक्षक मलिन रोकाले म्याग्दीले ९ स्वर्ण, ११ रजत र १० काँस्य पदक जितेको बताउनुभयो । प्रतियोगितामा एथलेटिक्समा ३ स्वर्ण, उसुमा ३, टेक्वान्डो २, कबडी छात्रामा १ स्वर्ण जितेको प्रशिक्षक रोकाले बताउनुभयो ।
म्याग्दीबाट स्वर्णपदक बिजेता सबै र भलिबल तर्फ छात्रामा उपविजेता भएपनि उदयमान खेलाडीको रुपमा कमला पाइजा र रिकजना माँझी राष्ट्रियस्तरको खेलका लागि छनौट भएका छन् । नवलपुरको कावासोती रङ्गशालामा शुक्रबारदेखि सुरु भएको प्रदेशस्तरीय राष्ट्रपति कप रनिङ शिल्ड प्रतियोगितामा म्याग्दीको सम्रग नतिजा सन्तोषजक देखिएको जिल्ला खेलकुद विकास समितिका अध्यक्ष दिनेश केसीले बताउनुभयो ।
‘हामीले यसपटक उपाधी नै कब्जा गर्ने रणनीतिका साथ पुगेका थियौं, केही खेलमा प्राविधिक कमजोरी देखियो, सुधार गरी अवका दिनमा राम्रो खेल्ने वातावरण बनाउँछौ’ अध्यक्ष केसीले भन्नुभयो । उहाँले मार्सल आर्ट र एथलेटिक्सका विधामा केही स्वर्णपदक थप आउने अपेक्षा गरिएको भएपनि खेलाडीको मेहनत प्रयाप्त हुदाँहुदै पनि रजत पदकमा सिमित हुनुपरेको बताउनुभयो ।
म्याग्दीले प्रदेशस्तरीय खेलमा पहिलोपटक ११ जिल्लामा तेस्रो स्थानमा आउनु राम्रो भएको र केही खेलाडीहरु प्रदेशको समेत रोजाईमा परेको अध्यक्ष केसीले बताउनुभयो । उहाँले सिमित स्रोतसाधानका बाबजुत पनि उत्कृष्ट खेल प्रर्दशन गरेकोमा सहभागी सबै खेलाडीलाई र ब्यवस्थापनमा खटिएकालाई समेत धन्यवाद दिनुभयो ।
प्रतियोगितामा पदक विजेता खेलाडीलाई आइतबार जिल्ला खेलकुद विकास समितिले सम्मान गर्ने कार्यक्रम राखेको छ । प्रतियोगितामा प्रदेशका ११ जिल्लाबाट जिल्ला स्तरीय रनिङ शिल्डबाट विजेता खेलाडी तथा टिमको सहभागि थिए । म्याग्दीबाट भलिबल, कबड्डी, कराँते, तेक्वान्दो, उसु एथ्लेटिक्स अन्तर्गतका हाइजम्प, लङजम्प, सटपुट, त्रिपल जम्प, ज्यावलिङ थ्रो, दौड, रिले दौड लगायतका विभिन्न विधामा खेलाडी सहभागी जनाएको थियो ।
