धौलागिरि खबर

काँ पो लानी होर मयाँले….

Beni Sanjibani

बेनी । “पिरिम बस्यो भागुम भन्छ काँ पो लानी होर मयाँले”.. हिजो आज सामाजिक सञ्जाल टिकटकमा यो शब्द भएको मयाँले बोलको दशै तिहार सम्बन्धी गित भाइरल भएको छ ।

म्याग्देली कलाकारहरुको क्रियटिभ मिडिया प्रोडक्सन मार्फत सार्वजनिक भएको मौलिक शब्द र भाकालाई संकलन गरेर तयार पारिएको मयाँले गित नेपाली जनजिब्रोमा प्रिय बन्न थालेको हो ।

सामाजिक सञ्जाल टिकटकमा यही गितलाई प्रयोग गरेर अभिनय गर्नेहरु धेरै भेटिएका छन् । सरल शब्द, मिठास प्रस्तुतिले मयाँले गितले चर्चा पाउन थालेको कलाकारहरु बताउँछन् । गितमा प्रयोग भएका टुक्काहरु मौलिक किसिमका छन् ।

Rara Auto Mobiels

म्याग्दी जिल्लाको विभिन्न भूभागमा पुगेर त्यहाँको कला, संस्कृतिको अध्ययन गरि त्यसलाई विश्वब्यापी गर्ने उद्देश्यका साथ दशै तिहारलाई लक्षित गरेर मयाँले गित प्रस्तुत गरेको क्रियटिभ मिडियाका सञ्चालक भुपेन बानियाले बताउनुभयो ।

Chadani auto head

गितमा प्रयोग गरिएका शब्द तथा लयका भाकाहरुले म्याग्दीको मौलिक संस्कृतिलाई अन्तराष्ट्रियकरण गर्न सहयोग गरेको छ । १७ अक्टोबर २०२० मा सार्वजनिक भएको गितको युट्युबमा यो समाचार तयार पार्दा सम्म ४५ हजार ६८ पटक हेरिएको छ ।

बेनी बजार नजिकैको पर्यटकीय स्थल लभ्लिहिल र बगरफाँटमा छायांकन गरिएको गितमा सम्बोज मल्ल, धु्रब जिसी, प्रकाश दुतराज, बिष्णु रिजाल, शान्ता बर्देवा र बसन्ति थापाको स्वर छ ।

प्रकाश दुतराजले शब्द र लय संकलन गरेको गितको संगित संयोजन अर्जुन थापा र रेकर्ड तारानाथ आचार्यले गर्नुभएको छ । भूपेन बानियाले निर्देशन, सम्पादन गरेको म्युजिक भिडियोमा ध्रुब जिसी, प्रकाश दुतराज, बिष्णु रिजाल, सुनिल बानिया, बिबिधजंग थापा, जिबन कार्की, नबिन बानिया, निर्देश चोखाल लगायतको अभिनय छ ।

Digo clinic
प्रतिक्रिया दिनुहोस
Loading...