जलजलाले कोरोना संक्रमितलाई उपचार खर्च उपलब्ध गराउने

Nilgiri hydor notice magh 26

बेनी । म्याग्दीको सदरमुकाम बेनी बजारसँग सिमाना जोडिएको पर्वतको जलजला गाउँपालिकाले कोरोना संक्रमितलाई उपचार खर्च सहयोग गर्ने भएको छ ।

समुदायस्तरमा कोरोना परीक्षण गर्न “एक घर, एक पिसिआर”को अबधारणा अघि सारेको जलजलाको लामाखेत स्थित कार्यालयमा बिहीबार बसेको कार्यपालिका बैठकले संक्रमितलाई उपचार खर्च पनि उपलब्ध गराउने निर्णय गरेको हो ।

परिक्षणका क्रममा पहिचान भएर जटिल अवस्थाका अस्पताल भर्ना हुनेलाई उपचार खर्च वापत प्रतिव्यक्ति दश देखि २५ हजार रुपैयाँ उपलब्ध गराउने निर्णय गरिएको कार्यपालिकाका प्रबक्ता देबेन्द्र भण्डारी (रबी)ले जानकारी दिनुभयो ।

Shreekrishna hardwear in news

“लक्षण नदेखिएका संक्रमितको होम आइसोलेनमा राखेर उपचार गर्ने र अस्पताल भर्ना हुनुपर्नेहरुका लागि उपचार खर्च उपलब्ध गराउने निर्णय भएको छ,” उहाँले भन्नुभयो “अस्पताल भर्ना हुन धरौटी राख्न र उपचार गर्न नसक्ने बिपन्न र गरिब समुदायका नागरिकका लागि लक्षित गरेर यस्तो ब्यवस्था मिलाएका हौ ।”

Bhautik ministry notice about road

गाउँपालिकाका अध्यक्ष यामबहादुर मल्ल (रामकृष्ण)ले ‘एक घर–एक पिसिआर जाँच’को अबधारणा अघि सार्दै पालिकाबासीलाई सो सुविधा लिन अपिल गर्नुभएको छ । आइतबार पर्वत बेनीबाट एक घर एक पिसिआर जाँच अभियान सुरु गरिने गाउँपालिकाले जनाएको छ ।

यसैबीच जलजलाका जनप्रतिनिधिहरुले प्रदेश सरकारको कानुन अनुसार दशै भत्ता वापत पाउने सुबिधाको रकम कोरोना कोषमा जम्मा गर्ने भएका छन् । अध्यक्ष, उपाध्यक्ष, वडा अध्यक्ष, कार्यपालिका सदस्य र गाउँसभा सदस्य गरि ४७ जनाको दशै भत्ता कोरोना कोषमा जम्मा गरिने प्रबक्ता भण्डारीले बताउनुभयो ।

गाउँपालिकाका अध्यक्ष मल्लले कोरोनालाई हेलचेक्य्राइँ गर्न नहुने बताउँदै आफूले संक्रमित हुँदा भोगेको समस्याबारे समुदायमा जानकारी गराई अभियानलाई जनताको घरदैलामै पुग्ने गरी सञ्चालन गरिने बताउनुभएको छ । यसअघि गाउँपालिकाका करीब पाँच सय जनाको पीसीआर परीक्षण गरिसकिएको छ ।

यसैबीच तत्काल पाँच शैयाको कोरोना अस्पताल बनाएर आवश्यकतानुसार विस्तार र होम आइसोलेसनलाई जनस्वास्थ्यको मापदण्डको कार्यान्वयन हुने गरी प्रयोग गरिने गाउँपालिकाले जनाएको छ । अध्यक्ष मल्ल कोरोना जितेर दशै अघि घर फर्कनुभएको थियो ।

Naresh Mobile
प्रतिक्रिया दिनुहोस
Loading...