धौलागिरि खबर

जलजलामा एक घर एक पीसीआर परीक्षण

गाउँपालिका, शाखा र वडा कार्यालय बुधबारदेखि सञ्चालन

बेनी । म्याग्दीको सदरमुकाम बेनी बजारसँग सिमाना जोडिएको पर्वतको जलजला गाउँपालिकामा कोरोना संक्रमितको संख्या बढ्न थालेपछि समुदायस्तरमा कोरोना परीक्षण गरिने भएको छ ।

संक्रमितको कन्ट्याक्ट ट्रेसिङमा परेकाहरुमा धमाधम कोरोना पुष्टि हुन थालेपछि गाउँपालिकाले ‘एक घर–एक पिसिआर जाँच’ अभियान शुरू गर्ने घोषणा गरेको हो । पालिकाभित्रका सबैलाई सो सुविधा लिन गाउँपालिका अध्यक्ष यामबहादुर मल्लले अपिल गर्नुभयो ।

Rara Auto Mobiels

उहाँले कोरोनालाई हेलचेक्य्राइँ गर्न नहुने बताउँदै आफूले संक्रमित हुँदा भोगेको समस्याबारे समुदायमा जानकारी गराई अभियानलाई जनताको घरदैलामै पुग्ने गरी सञ्चालन गरिने बताउनुभएको छ ।

मिलनचोकबाट स्वास्थ्यकर्मीको टोलीले समुदायस्तरमा स्वाब संकलन थालेको छ । हरेक घरमा एक जनाको स्वाब संकलन गरिए पनि कोरोना संक्रमितको परिवारका भने सबैको संकलन गरिने भएको छ । यसअघि गाउँपालिकाका करीब पाँच सय जनाको पीसीआर परीक्षण गरिसकिएको छ ।

यसैबीच तत्काल पाँच शैयाको कोरोना अस्पताल बनाएर आवश्यकतानुसार विस्तार र होम आइसोलेसनलाई जनस्वास्थ्यको मापदण्डको कार्यान्वयन हुने गरी प्रयोग गरिने गाउँपालिकाले जनाएको छ । गत असोज २८ गतेदेखि बन्द भएको गाउँपालिका, शाखा र वडा कार्यालय बुधबारदेखि सञ्चालनमा आएका छन् ।

गाउँपालिकाका अध्यक्ष मल्ललाई कोरोना संक्रमण पुष्टि भएपछि गाउँपालिका, शाखा र वडा कार्यालय बन्द गरिएको थियो । स्वास्थ्य सुरक्षा मापदण्ड पालना गरेर कार्यालय सञ्चालन गरिएको प्रमुख प्रशासकीय अधिकृत अर्जुन शर्माद्धारा जारी सूचनामा उल्लेख छ । अध्यक्ष मल्ल कोरोना जितेर दशै अघि घर फर्कनुभएको थियो ।

Dhakal lab
प्रतिक्रिया दिनुहोस
Loading...