रोकालाई ४६ लाख जरिवाना तोकिएको थियो
बेनी, रु. छयालीस लाख भन्दा बढी रकम ठगी गरेका म्याग्दीका एक जनालाई प्रहरीले पक्राउ गरेको छ ।
म्याग्दी जिल्ला अदालतबाट ६ दिन कैद र रु. छयालीस लाख सत्र हजार एक सय जरिवाना तोकिएका मंगला गाउँपालिका–४ (साविक बरंजा गा.वि.स) – ८ का ४३ वर्षीय गंगाबहादुर रोकालाई पक्राउ गरिएको जिल्ला प्रहरी कार्यालय म्याग्दीले जनाएको छ ।
विदेश नपठाएको र संकलन गरेको रकम फिर्ता नगरेपछि ९ जना पिडितहरुले रोकाको विरुद्ध बैङ्कीङ कसुरमा मुद्दा दायर गरेका थिए । रोकाले एक जनाबाट रु. २ लाख देखि रु. दश लाख सम्म ठगी गरेको अदालतले ठहर गरेको छ ।
प्रहरी नीरीक्षक अशोक कुमार झाका अनुसार सोमबार बरंजाबाट पक्राउ परेका रोकालाई मंगलबार नीज उपर लागेको दण्ड जरिवाना असुल उपरका लागि म्याग्दी जिल्ला अदालतमा पेश गरिएको छ ।
विदेश पठाउने भनेर पैसा उठाएका रोकाले विदेश नपठाएपछि पिडितहरुलाई चेक दिएका थिए । चेक नसाटिएपछि बैकिङ कसुरमा म्याग्दी जिल्ला अदालतमा दायर गरेको मुद्दामा दोषी ठहर भएका हुन् । बैकिङ कसुरमा म्याग्दीमा पक्राउ परेका मध्य रोका धेरै रकम ठगी गर्नेमा पर्ने जनाइएको छ ।
