बेनी, ः बेनी–जोमसोम सडक अन्तरगत म्याग्दी र मुस्ताङको सिमानामा पर्ने काभ्रेभिरबाट खसेर एक जना पर्यटकको मृत्यु भएको छ ।
म्याग्दीबाट मुस्ताङतर्फ जादै गरेका जर्मनका नागरिक मनड्रड बिको मोटरसाइकल सहित भिरबाट खसेर मृत्यु भएको जिल्ला प्रहरी कार्यालय म्याग्दीले जनाएको छ ।
प्रहरी नायव उपरीक्षक मदन कुँवरका अनुसार बिहिबार अपराहन्न मोटरसाइकल सहित खसेका मनड्रडको भिरमा अड्किएको अवस्थामा राती उद्दार गरिएको हो । “अक्करे भिरको फेदीमा रहेको कालीगण्डकीको खोचमा खसेको मोटरसाइकलको नम्बर खुलेको छैन,” उहाँले भन्नुभयो “भिरमा अड्किएका मनड्रडलाई उद्धारका लागि गएको टोलीले मृत भेटाएको थियो ।”
बागलुङबाट नेपाल प्रहरीको विपद्को तालिमप्राप्त टोली र शसस्त्र प्रहरीको २० जनाको टोली सामग्रीसहित उद्धारमा खटिएका थिए । मुस्ताङबाट नेपाली सेनाका १५ जना आएका थिए । रातीको समयमा रसिमा झुण्डीएर पर्यटक अड्किएको ठाउँमा पुगेर सुरक्षाकर्मीहरुले उनलाई उद्धार गरेका हुन् ।
