बेनी, । पर्वतको जलजला गाउँपालिका–४ भवानीपानीमा नेपाली सेनाले हेलिप्याड बनाएको छ ।
नयाँ रणभिम गुल्मको जनशक्ति व्यवस्थापन, वडा कार्यालयको समन्वय र स्थानीयबासीको सहकार्यमा निर्माण भएको हेलिप्याड शुक्रबार हस्तान्तरण गरिएको छ । विपद्, आपतकालिन अवस्था र आकस्मिक रुपमा उद्धार कार्यका लागि हेलिप्याड निर्माण गरिएको वडा अध्यक्ष भरत खत्रीले जानकारी दिनुभयो ।
१२ मिटर डायामिटर रहेको हेलिप्याडमा ठूला, मझौला र साना हेलिकप्टरहरु अवतरण गर्न सक्ने नेपाली सेनाले जनाएको छ । हेलिप्याडको नजिकै मल्लाज–लेकफाँट सडक रहेको छ ।
नेपाली सेनाको २३ नम्बर बाहिनी अड्डाका बाहिनी पति रहायक रथी रोशन खड्काले नागरिक सैनिक सहकार्य कार्यक्रम मार्फत हरेक वर्ष एक वटा युनिटले जोडी हेलिप्याड बनाउने कार्यक्रम रहेको जानकारी दिनुभयो ।
