बेनी, २६ भदौ । म्याग्दीको अन्नपूूर्ण गाउँपालिकाले ग्रामिण क्षेत्रमा बजार अनुुगमनलाई तिब्रता दिएको छ ।
ग्रामिण क्षेत्रमा म्याद नाघेका र अखाद्य बस्तुुको विक्री वितरण हुन नदिन, व्यवसायी र उपभोक्तालाई सचेत बनाउने उद्देश्यले भदौ २५ र २६ गते वडा नम्बर ५ र ६ मा पर्ने शिख, घार, घोडेपानीका पसलहरुको अनुुगमन गरिएको छ ।
यसअघि पोखरबेगर, दाना, तातोपानी क्षेत्रका पसलहरुको गत साता अनुुगमन भएको थियो । गाउँपालिकाका उपाध्यक्ष दिवा कुमारी तिलिजाको नेतृत्वमा सुरक्षा निकायको समेत सहभागितामा शिख, घारमा ६० वटा पसल, होटल, किराना, मासुु पसल, सौन्दर्य र औषधी पसलको अनुुगमन गरिएको छ ।
गाउँपालिकाका बजार अनुुगमन अधिकृत भगवति खड्काले अनुुगमनका क्रममा कोकाकोला, जुस, बियर, चामल, मैदान, सोयविन तेल, कुुरकुुरे, लेज, भुुजा, ब्रेडको, मिठाई, सस, भिनेगर जस्ता सामग्रीहरुको म्याद नाघेको पाइएको बताउनुुभयो । म्याद नाघेका सामान जफत गरेर नष्ट गरिएको अधिकृत खड्काले बताउनुुभयो ।
रु. तीन लाख भन्दा बढी मूल्य बराबरको म्याद नाघेका सामग्रीहरु नष्ट गराउन अथवा डिलरलाई फिर्ता गर्न निर्देशन दिइएको अधिकृत खड्काले बताउनुुभयो । धेरैजसो बेनीबाट गाडी मार्फत गाउँगाउँमा म्याद सकिने बेलामा सामान पठाउने गरिएको पाइएको समेत अनुुगमन टोलीले जनाएको छ ।
