छात्रा फुटबलको उपाधी जनप्रियलाई

Gandaki Pardesh notice

बेनी, । गोलरक्षक अस्मिता दर्जीले पेनाल्टी सुटआउटमा उत्कृष्ट खेल प्रर्दशन गरेसँगै बेनीमा आइतबार सम्पन्न दोभान कप छात्रा प्रतियोगिताको उपाधी मालिका गाउँपालिका–६,दरबाङको जनप्रिय माविले जितेको छ ।
बेनीमा शनिबारदेखि शुुरु भएको अन्तर विद्यालय छात्रा फुटबल प्रतियोगिताको फाइनलमा निर्धारित समयमको खेल गोलरहित बराबरीमा सकिएपछि पेनाल्टी सुटआउटमा जनप्रिय माविले बेनीस्थित न्यू वेष्ट प्वाइन्ट आवासीय माविलाई ४–२ गोलअन्तरले पराजित गरेको हो । निकै प्रतिस्पर्धात्मक खेलमा दुबै पक्षका खेलाडीले सुन्दर अवसरलाई गोलमा परिणत गर्न सकेनन् ।
पेनाल्टीमा जनप्रियकी गोलरक्षक अस्मिताले उत्कृष्ट बचाउ र गोल प्रहार गरेकी थिईन् । सेमिफाइनलको खेलमा समेत बेनी सामुदायिक माविलाई रोक्न अस्मिताको गोल निर्णायक भएको थियो। सेमिफाइनलमा जनप्रिय माविले बेनी सामुदायिक मावि र न्यु वेष्ट प्वाइन्ट माविले प्रकाश माविलाई रोक्दै फाइनलको यात्रा तय गरेका थिए ।
न्यू दोभान युथ क्लवले पूर्व अध्यक्ष स्वर्गिय अनन्त गिरीको स्मृतिमा ’९ ए साइड’ फुटबल प्रतियोगिताका विजेता र उपविजेतालाई बेनी नगरपालीका मेयर सुरत केसीले प्रथम र द्धितिय पुरस्कार क्रमश रु. ४५ हजार, रु. २५ हजार, ट्रफी, मेडल र प्रमाणपत्र वितरण गर्नुुभयो ।
उत्कृष्ट खेलाडी न्यु वेष्ट प्वाइन्टकी निकिता सिंह ठकुरी, सर्वाधिक गोलकर्ता प्रकाश माविकी प्राप्ती मगर, उत्कृष्ट गोलरक्षक जनप्रिय माविकी अस्मिता दर्जी क्रमश ३ हजार नगद र अनुशासित टिमलाई अनुशासित टिम बेनी सामुदायिक माविलाई ५ हजार नगदले पुुरस्कृत गरिएको थियो ।
बेनी नगरकार्यपालिका सदस्य कृष्णकुमार विश्वकर्मा, जिसस समन्वय अधिकारी राजेन्द्रप्रसाद अधिकारी, जिल्ला खेलकुद विकास समितिका अध्यक्ष दिनेश केसी र फुटबल संघ म्याग्दीका अध्यक्ष कुमार बानियाँले पुरस्कार वितरण गर्नुुभएको थियो ।
प्रतियोगिताको समापनमा बोल्दै प्रमुख अतिथि केसीले खेलकुदमा प्रयाप्त बजेट विनियोजन नहुदाँ खुल्लामञ्चको विस्तारमा ढिलाई भएको बताउनुुभयो । आयोजक दोभान यूथ क्लवका अध्यक्ष उपेन्द्र गिरीले छात्राहरुलाई फुटबल खेलप्रती आकर्षित गर्ने उद्देश्यले खेल आयोजना गरेको बताउनुुभयो । प्रतियोगितामा १० टिमको सहभागिता जनाएका थिए ।

Naresh Mobile
प्रतिक्रिया दिनुहोस
Loading...