![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
ताकम, । म्याग्दीको धवलागिरी गाउँपालिका–७ ताकममा आइतबारदेखि मिनिटेलर मर्मत सम्बन्धी तालिम शुुरु भएको छ ।
पर्यटन तथा उद्योग कार्यालय म्याग्दीले धवलागिरी गाउँपालिका र म्याग्दी उद्योग वाणिज्य संघको धवलागिरी ईकाईसँगको समन्वयमा दश दिने तालिम आयोजना गरेको हो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
खेत बारी जोत्ने मिनिटेलर मर्मतका लागि गाउँमै दक्ष जनशक्ति उत्पादन गर्ने उद्देश्यले आयोजित निशूल्क तालिममा १६ जनाको सहभागिता रहेको म्याग्दी उद्योग वाणिज्य संघ धवलागिरी इकाईका सभापति तेजेन्द्र थापाले बताउनुुभयो । दश दिनसम्म सञ्चालन हुने तालिमको इश्वर शर्माले सहजिकरण गर्नुुहुुने भएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
ताकमका वडा अध्यक्ष अशोक खत्रीको अध्यक्षता, वडा सदस्य रामबहादुर खत्रीको स्वागत र उद्योग वाणिज्य धवलागिरी इकाईका उपाध्यक्ष नरेश पौडेलले सञ्चालन गर्नुुभएको कार्यक्रमको पर्यटन तथा उद्योग कार्यालय म्याग्दीका प्रमुख पोषनाथ शर्माले उद्घाटन गर्नुुभएको थियो ।
![](https://dhaulagirikhabar.com/wp-content/uploads/2023/09/Minitelar-marmat-talim-2-1024x750.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)