बेनी, । नेकपा माओवादी केन्द्रले जनतासँग माओवादी विशेष रुपान्तरण अभियान सञ्चालन गर्नका लागि सोमबार धवलागिरी र अन्नपूूर्ण गाउँपालिकामा नेताहरुको कार्यविभाजन गरेको छ ।
धवलागिरी गाउँपालिकाको वडा नम्बर ७ ताकम र अन्नपूूर्ण गाउँपालिकाको पोखरेबगरमा बसेको पालिका कमिटिको विस्तारित बैठकले भदौ १६ गते देखि वडा स्तरमा सञ्चालन हुने अभियानमा खटिने नेताहरुको जिम्मेवारी बाडफाँड गरेको हो ।
धवलागिरी गाउँपालिकामा खटिनुुभएका केन्द्रिय सदस्य चन्द्रप्रसाद बुढा सागरको प्रमुख आतिथ्यतामा बसेको बैठकले वडा नम्बर १ मा प्रदेश परिषद् सदस्य रिमप्रकाश थापा, २ मा प्रदेश क्षेत्र (ख) का सचिव किरन थापा, वडा नम्बर ५ मा प्रदेश सदस्य झकबहादुर छन्त्याललाई जिम्मेवारी तोकेको छ ।
वडा नम्बर ३ र ७ मा अभियानको संयोजकका जिम्मेवारी गाउँपालिकाका उपाध्यक्ष समेत रहनुुभएका युवा नेता रेशम पुुन मगरले पाउनुुभएको छ । गाउँपालिका कमिटिका अध्यक्ष यामन रोका वडा नम्बर ४ र प्रदेश सदस्य खुमनाथ सुवेदीले वडा नम्बर ६ को जिम्मेवारी पाउनुुभएको छ ।
जिल्ला ईञ्चार्ज गुुप्तबहादुर हमाल, प्रदेश क्षेत्र (क) का ईञ्चार्ज बिनोद केसी, बेनी नगर कमिटि अध्यक्ष सेरबहादुर केसी, गण्डकी प्रदेश सांसद हरिबहादुुर भण्डारीको उपस्थितिमा अन्नपूर्ण गाउँपालिका कमिटिको बैठक बसेको थियो ।
अन्नपूर्ण गाउँपालिका ईञ्चार्ज बागबिर पाईजाले वडा नम्बर २, ७ र ८, प्रदेश सदस्य पूूर्ण पाइजाले वडा नम्बर ४, प्रदेश परिषद सदस्य कविता पुुनले वडा नम्बर ५, पालिका सचिव श्याम खड्काले वडा नम्बर ६, गाउँपालिका सहईञ्चार्ज थम विकले वडा नम्बर १ र ३ को जिम्मेवारी पाउनुुभएको छ ।
माओवादी पार्टीले गरेका काम, गतिबिधि, योजना र राजनीतिक उपलब्धीका बारेमा नागरिकलाई बुुझाउने तथा नागरिकका समस्या सम्बोधनका लागि पहल गर्ने उद्देश्यले देशब्यापी रुपमा तीन महिने विशेष रुपान्तरण अभियान सञ्चालन हुन लागेको हो ।
अभियान मार्फत समसामयिक राजनीतिक अवस्था र माओवादीको योजनाका विषयमा नेता कार्यकर्ताहरुलाई प्रशिक्षण, जनवर्गीय संगठनको भेला, बैठक, सम्मेलन गरि चलायमान बनाउने कार्यक्रम बनाएको छ ।
