बेनी, । पर्वतको जलजला गाउँपालिकाले कमजोर सिकाई उपलब्धी भएका विद्यार्थी पहिचान गर्न थालेको छ ।
विद्यार्थीको विषयगत सिकाई उपलब्धीको विष्लेषण गरेर उनिहरु केन्द्रित शैक्षिक सुधारको योजना तय र लागू गर्ने प्रक्रीया थालेको हो । विद्यार्थीको सिकाई उपलब्धी पहिचानका लागि पालिकालेनै कक्षा १ देखि १० सम्मको आन्तरिक परिक्षा सञ्चालन गरेको अध्यक्ष राजुुप्रसाद आचार्यले जानकारी दिनुुभयो ।
“पालिका स्तरीय परिक्षा कक्षा ८ को मात्र लिए पनि हुुन्छ तर हामीले सबै कक्षाको आन्तरिक परिक्षा लिएका छौ,” उहाँले भन्नुुभयो “यो आन्तरिक परिक्षाको उत्तरपुस्तिका शिक्षकले जाँचेपछि अभिभावकलाई घरमै पठाउने व्यवस्था मिलाउछौ ।”
गत महिना पालिकाका ९ वटै वडाका अभिभावकहरुलाई शैक्षिक उत्तरदायित्वका विषयमा प्रशिक्षण गरेको जलजला गाउँपालिकाले यसअघि फरक फरक विद्यालयमा परिक्षा केन्द्र तोकेर उपलब्धी मापत परिक्षा पनि सञ्चालन गरेको थियो ।
घरमै उत्तर पुस्तिका पठाउँदा अभिभावकले आफ्ना छोराछोरी कुन विषयमा कमजोर छन भन्ने पहिचान गर्न सजिलो हुने र घरमा पढ्ने वातावरण मिल्ने अपेक्षा गरिएको छ । यसबाट शिक्षक पनि जिम्मेवार हुनेछन् ।
सिकाई उपलब्धी कम भएका विद्यार्थीलाई अतिरिक्त कक्षा सञ्चालनको व्यवस्था मिलाउने गाउँपालिकाको योजना छ । जलजलामा ४७ वटा विद्यालय छन् । शैक्षिक सुधारका लागि गाउँपालिकाले विभिन्न कार्यक्रम सञ्चालन गरेको छ ।
आन्तरिक परिक्षाको अनुुगमनमा गाउँपालिकाका अध्यक्ष आचार्य, उपाध्यक्ष दिपक आचार्य, शिक्षा अधिकृत त्रिबिक्रम आचार्य, लगायत कर्मचारी र शिक्षक संगठनका प्रतिनिधिहरु खटिनुुभएको छ ।
